اسلام آباد۔ 21 فروری (اے پی پی) مزن وزیر عمران خان ءَ پاکستان ءِ سلاھ بندیں ارد ءِ نیمگ ءَ کجام ھم رنگ ءِ ڈاھ ءُُ شور ءِ پسو دیگ ءِ ’’اختیار‘‘ مستری داتگ۔ آ پنچ شمبے ءِ روچ ءَ مزن وزیر کارگس ءِ قومی سلامتی کمیٹی ءِ دیوان ءِ سروکی ءَ کنگ ءَ ات۔ دیوان ءِ شریکیں مردم آں پلوامہ واکیہ ءَ چہ پد جیو اسٹریٹجک ءُُ راجی سلامتی جاو ءُُ جاور ھال آنی سرءَ چار ءُُ بچار کت۔ دیوان ءَ نوٹ کت کہ پاکستان ءِ ریاست استیں واکیہ ءَ گوں اچ رنگ ءُُ وڑ ءَ دست مانجن نہ انت۔ اے واکیہ ءِ منصوبگ بندی ھندی تک ءَ کنگ بوتگ۔ اے رد ءَ پاکستان ءَ واکیہ ءِ پٹ ءُُ پول ءِ گوشت ءُُ ناشرکاری ءَ ھوار، ایندگر کشاں چیل ءُُ جیڈھ آناں گپ ءُُ تران ءِ سر ءَ گیوار کنگ ءِ ھم گوشتگ بوتگ۔ ما اے گپ آنی پسو ءِ امیت ءَ دار آں۔ پٹ ءُُ پول ءِ پجاری کجام ھم مھکمیں ثبوت ءِ بنیات ءِ پد ءَ پاکستان ءِ ریاست مئے سرزمین ءَ را کارمرد کنگ ءَ گوں دست مانجن سہرا بہ بیت کجام ھم مردم ءِ ھلاپ ءَ کاروائی کنت انت پدا ھم بھارت ءَ وت پھمگ لوٹ ایت کہ مقبوضہ کشمیر ءِ مردم وت مرگ ءَ چہ چیا بے ترس بوتگ اَنت۔ مقبوضہ کشمیر ءَ بھارتی اُرد آنی سر ءَ سکیں ھراب ءُُ نہ وشیں رد عمل ات۔ میاں اوستمانی برات آناں اقوام ءِ متحدہ ءِ منوگری ءُُ کشمیری الس آنی امیت آنی رد ءَ کوھنیں کشمیر ءِ جیڈھ ءِ گیواری ءَ وتی کرد ءِ پیلو کنگ ءِ ضلورت اِنت۔
