لاہور۔21فروری(اے پی پی) سر وزیر پنجاپ عثمان بزدار ءَ ادا گوستگیں روچ ءَ سرو زیر گس ءَ برطانیہ ءِ وزیر برائے میاں اوستمانی دیمروئی ءُُ زالبول آنی گہبود پینی موراڈنٹ ءَ گند ءُُ نند کت۔ گند ءُُ نند ءَ پنجاپ حکومت ءُُ برطانیہ ءِ ڈیپارٹمنٹ فارا نٹرنیشنل ڈویلپمنٹ (ڈیفڈ) ءِ گوما چاگردی شوبگ آنی دیمروئی ءِ وستہ جاڑیگیں پروگرام آنی سر ءَ ھیال ریچی کنگ بوت ءُُ دیفڈ ءَ استیں حکومت ءِ ایجنڈا آنی تہ ءَ کمک ءَ را گیش کنگ ءِ سر ءَ تپاک کت۔ سر وزیر ءَ اے موہ ءِ سرءَ تران کنا ن ءَ گوشت کہ چاگردی شوبگ ءِ دیمروئی ءِ واستہ ڈیفڈ پنجاپ حکومت ءِ گہتریں پارٹنر انت ءُُ استیں حکومت ڈیفڈ ءِ گوما شریکداری ءَ را گیش ودین ایت۔ تحریک ءِ انصاف ءِ حکومت گڈ گورننس ءِ وسیلگ ءَ الس ءَ را ریلیف دنت۔ آئی ءَ گوشت کہ الس ءَ را ریلیف ءِ واستہ پکوئیں گامگیج آنی سرءَ دل یکیم دار ایت۔ آئی ءَ گوشت کہ پنجاپ ءَ جتا جتائیں شوبگ آنی تہ ءَ سرمایہ کاری ءِ واستہ آسانی پیداک کنگ بوتگ انت۔ سر وزیر ءَ گوشت کہ وانگ ءُُ زانگ، جان سلامتی ءُُ سکل ڈویلپمنٹ ءِ شوبگ ءَ کمک ءَ را گیش کنان ءَ الس ءَ را آسراتی دنت انت، استیں حکومت چاگردی شوبگ ءِ دیمروئی ءِ سر ءَ یکیم دار ایت۔
