اسلام آباد۔ 21 فروری (اے پی پی) حکومت کشت ءُُ کشاری ءِ شوبگ ءَ منصوبگ آنی سر ءَ کار کنت انت، ملک ءَ کشت ءُُ کشاری آشوب ءِ کئیت، معیشت ءِ دیمروئی ءِ واستہ کشت ءُُ کشاری شوبگ ءِ بجٹ ءَ را گیش ودین آں، کشار حکومت ءِ اولی ترجی آنی تہءَ ھوار اِنت، دھکان آنی دلبڈی ءِ واستہ کمک، ءُُ تاوان ءِ تہ ءَ کمک کنگ بہ بیت، کشت ءُُ کشاری ڈگار آنی سر ءَ ہاؤسنگ سوسائٹی آنی جوڑ کنگ نہ وشیں گپ ات۔ اے ھیالانی درشانی بنجاھی وزیر ءَ پاکستان دھکان اتحاد ءِ چیر دستی ءَ ’’فنانس سپلیمنٹری (دومی مٹ ءُُ بدلی) بل 2019 ءِ بابت ءَ پارلیمنٹیرینز ءِ شور ءُُ سلاھی دیون ءَ گوں گشتانک دیان ءَ کت۔ دیوان ءِ بنگیج ءِ پد ءَ پاکستان دھکان اتحاد ءِ صدر خالد محمود کھوکھر ءَ کشات ءُُ کشاری شوبگ ءِ جیڈھ آنی گیواری ءِ ھوالگ ءَ بریفنگ دات۔ اے موہ ءِ سر ءَ گشتانک دیان ءَ بنجاھی وزیر برائے راجی وردن ءِ رکھینگ ءُُ پٹ ءُُ پول صاحبزادہ سلطان ءَ گوشت کہ ایشی یے تہءَ گنجاشک نیست کہ پیسریگیں حکومت آں کشت ءُُ کشاری پڑ ءَ را ڈلگچار کتگ، کشت ءُُ کشاری شوبگ ءِ سر ءَ دلگوشی نہ داتگ ایشی یے سک ضلورت انت۔
