اسلام آباد۔ 21 فروری (اے پی پی)بنجاھی وزیر برائے وردن ءُُ وراکی رکھینگ ءُُ پٹ ءُُُ پول صاحبزادہ محبوب سلطان ءَ گوں انٹرنیشنل ویٹ اینڈ میزامپرومنٹ سینٹر (سیمٹ) ءِ ڈائریکٹر جنرل مارٹن کروف ءَ ادا گند ءُُ نند کت۔ پنچ شمبے ءِ روچ ءَ ادا بوتگیں گند ءُُ نند ءِ ساھت ءَ بنجاھی وزیر ءَ را سمٹ ءِ آیوکیں 5سالی کار رپک ءِ کار رھبند پیش کنگ بوت۔ پاکستان ءَ کشت ءُُ کشاری پٹ ءُُ پول ءِ شوبگ ءَ استیں کمک ءُُ رھبند آنی ھم چار ءُُ تپاسی گرگ بوت۔ اے موہ ءِ سر ءَ مارٹن کروف ءَ گوشت کہ ایگریکلچر انوویشن پروگرام (اے آئی پی) یو ایس ایڈ ءِ شریکداری ءَ گوں جوڑ کنگ بوتگ ایشی ءَ چہ کشت ءُُ کشاری ءِ شوبگ دیمروئی ءِ واستہ بازیں گامگیج چست کنگ بوتگ اَنت۔ اے تل یک میاں اوستمانی کنسورشیم ایش کہ کشت ءُُ کشاری ءِ جتا جتائیں بھر آنی سر ءَ کار کنگ ءَ انت ایشی یے ھم یک ارزشتی ایں بھر اِت، حکومت ءِ پاکستان ءَ اے کنسورشیم ءَ گوں بندوکیں دزبندی آنی سر ءَ کار کنگ بندات کنگی اِنت ءُُ ایشی ءَ گوں بندوک بوھان ءَ کشت ءُُ کشاری دیمروئی ھاسیں رنگ ءَ دلوت ’’لائیو سٹاک‘‘ ءِ شوبگ ءَ پٹ ءُُ پول ءَ را دیمروئی دیگ انت۔ سمٹ ءَ 1761 ءَ چہ سد آنی کساس ءَ پاکستانی کشت ءُُ کشاری سائنس دان آناں ھیل کاری داتگ۔
