استنبول۔ 21 فروری (اے پی پی) وزیر مملکت داخلہ شہریار آفریدی پارینے کہ پاکستان ہندن ءُ ملک اسے ہراکان خلقت وطن ءِ ہلرہ ایلو ملک آتیا کارہ وخت اس کہ ایلو ملک آتیان ہم خلقت ہمپک پاکستان آ بریک ۔ مہاجرت آن تعلقدار معاملہ غاتیا گپ و تران و کمکاری ءِ مون آ دننگ نا گرج ءِ۔ استنبول اٹی مہاجرت آن تعلقدار معاملہ غاتیا بداپسٹ عمل نا چرجوئی ٹی اڈ ہلوک آ شش می وزارتی کانفرنس آن تران کرسا اوپارے کہ ہمو ملک آک ہراکان خلقت ہمپک ، ہمپنگ کن کسر نا وڑاٹ کاریم اٹ اتیرہ و ہمپوک آک آبادمریرہ ، نا نیام اٹ گپ و تران و رابطہ غاتے مون آ دننگ نا گرج آ زور شاغا۔ وزیر مملکت داخلہ پارے کہ ہمپنگ نا ویل اتون جوان وڑاٹ مون تننگ کن کانود آ عملدرآمد نا چرجوئی ٹی کمکاری ءِ ودفنگ تون اوار اوار غیر کانودی مہاجرت نا سوب آتے چٹفنگ و کانودی مہاجرت نا پین وارخواہی ودی کننگ نا گرج ءِ۔ او کچ اٹنگا ویزہ غاتا نظام نا اثرآتا جاچ ءِ ہلنگ و غیر کانودی مہاجرت ءِ توننگ کن سخت سیمی کنٹرول نا گرج آ زور شاغا۔
