اسلام آباد۔ 21 فروری (اے پی پی) بنجائی مذہبی امور پیر نور الحق قادری پارینے کہ سعودی عرب نا کنڈآن پاکستان نا حاجی تا کوٹہ ءِ ودفنگ ننا سنگتی نا سوگوءُ نشانی اسے،داگام گیج آن ہڑتوم آ ملک آتا متکن آ تعلقداری تے الس نا کہول آ پین سوگو کننگ اٹ کمک رسینگک۔ پنچ شنبے نادے آ پارلیمنٹ ہاؤس اٹی ’’اے پی پی‘‘ تون خصوصی گپ و تران کرسا اوپارے کہ حکومت پاکستان نا مدام کوشست مسنے کہ زیات آن زیات پاکستانی شاری تے حج کننگ کن گدریفنگے، ہندا کوشست آتے ٹی سعودی حکومت نا کنڈآن پاکستانی حاجی تے کن کوٹہ ٹی ودکی کننگا ہرا ستاکڑزوک ءُ ہیت اسے۔ نن خصوصی وڑاٹ دا بابت سعودی حکومت نا منت وار اُن۔ اوپارے کہ کوٹہ نا ودنگ آن پاکستان نا زیات آن زیات شاری حج کننگ کیرہ ہرا ننکن خوشی نا سوب اس مریک۔
