کوئٹہ۔ 21 فروری (اے پی پی) ڈائریکٹر جنرل نیب بلوچستان محمد عابد جاوید شجر کاری مہم نا چرجوئی ٹی پنچ شنبے نادے آ قومی احتساب بیورو بلوچستان نا دفتر نا لان ٹی نیال اس خلک، چیف فورسٹ آفیسر نارتھ بلوچستان عبدالجبار ، نیب انا غٹ ونگز سرکڑدہ غاک ہم داوخت آ ساڑی ئسر۔ شجر کاری مہم نا اولیکو مرحلہ ٹی نیب آفس نا دنگ اٹی 1000 درخت خلکر وخت اس کہ محکمہ جنگلات و حیوانات نا کمکاری آن نیب ہنکینی کالونی و آفیسر میس انا چارمہ کنڈ درخت خلنگک ہرافتا خیال ءِ کننگ تعلقدار ملازم آتون اوار اوار آفیسر آتیا ہم زمواری مریک، ڈائریکٹر جنرل نیب بلوچستان محمد عابد جاوید داوخت آ پارے کہ درخت خلنگ صدقہ جاریہ ءِ ، ننا بروک آ چین تے کن غٹ آن بھلا ٹیکی کچٹی آن پاک چاگڑد ءِ ، ساڑی حکومت نا شجر کاری مہم انسانی بقاء و شفاف چاگڑد کن جوان ءُ گام گیج اسے، شجر کاری مہم اٹی ہر بندغ زیات آن زیات بشخ ہلے، اگہ حکومتی مشینری تون اوار اوار الس ہم دا مہم اٹ کمکار جوڑ مریر تو سرسوز پاکستان نا تغ پورو مننگ کیک۔ ڈی جی نیب بلوچستان پارے کہ شجر کاری اسہ قومی ءُ فرض اسے ہرادے ہر بندغ قومی ءُ زمواری اس سرپند کرسا پورو کے تانکہ نن تینا بروک آ چین تے کچٹی آن پاک شفاف چاگڑد اس تننگ کین۔ درخت خلنگ صدقہ جاریہ ءِ ہرانا ثواب خلوک آ قیامت اسکان ملسا کیک۔ اللہ نا کنڈآن دا انعام ءِ مون آ تخسا ہر بندغ کم از کم تینا زند اٹی اسہ درخت اس بایدے خلے تانکہ قیامت اسکان اودے ثواب ملسا کے۔ ساڑی حکومت نا شجر کاری مہم ستاکڑزوک ءُ گام گیج اسے بلوچستان پاکستان نا رقبہ نا لحاظ اٹ غٹ آن بھلا صوبہ ءِ اگہ حکومتی مشینری تتون اوار اوار الس ہم دا مہم اٹی کمکار مرے تو سرسوز پاکستان نا تغ پورو مننگ کیک۔
