اسلام آباد۔ 21 فروری (اے پی پی) بنجائی وزیر ڈٹ بندی، شونداری و اصلاحات و شماریات مخدوم خسرو بختیار پارینے کہ حکومت جان جوڑی نا آسراتی تے گچین کننگ کن اولیتی بنداو تیا گام گیج کننگ ءِ و پرائم منسٹر نیشنل ہیلتھ اسکیم اس ہم بناکرینے ہراڑان نیزگار و مسکین مخلوق ءِ مفت درمان دوبننگ ءِ۔ داخیال آتا درشانی ءِ او تدوک آ دے سی ڈی ڈبلیو پی نا دیوان آن تران کرسا کرے۔ دیوان اٹی وزارت نیشنل ہیلتھ سروسز ریگولیشن اینڈ کوآرڈینیشن نا کنڈآن 4 ڈٹ پیش کننگا ہراڑا بنجائی وزیر نا پاننگ ئس کہ جان جوڑی نا آب اٹنگا آسراتی تا دوئی کننگ ساڑی حکومت نا اولیت آتیان اسٹ ءِ و دا چرجوئی ٹی ہر وڑنا گام گیج کننگ تون اوار اوار ڈٹ آتے وخت آ پوروکننگ المی ءِ۔
