اسلام آباد۔ 21 فروری (اے پی پی) چین پاکستان اقتصادی راہداری (سی پیک) نا رداٹ گوادر پورٹ اٹی داوخت اسکان 250 ملین ڈالر نا زرکاری کننگانے، 5پوسکن ءُ کرین خلنگانے ، 2لکھ 20 ہزار گیلن ساف دیر ہردے تننگ انگ ءِ ، گوادر اٹی سیوریج ڈسپوزل سسٹم و کارگو ہینڈلنگ کن ازباب ہم خلنگانے۔ سی پیک سیکرٹریٹ نا کمامدارآتارداٹ پاکستان و چین نا نیام اٹ گوادر پورٹ جہانی و پوسکن ءُ بندرگاہ جوڑ کننگ اٹ کمک رسینگک ہموڑے اقتصادی زون تے عملی دروشم اس ترسا پاکستان اٹی صنعتی انقلاب کن کسر آوار مریک۔ دستاویز آتا رداٹ گوادر ایسٹ بے ایکسپریس وے ڈٹ 18.9 کلومیٹر چار لین شاہراہ ءِ جوڑ کننگ انگ ءِ ، دا شاہراہ گوادر بندرگاہ ءِ مکران کوسٹل ہائی وے، فری زون و آخبت نا کنٹینر ز ٹرمینل تون ملفک۔
