اقوام متحدہ۔ 21 فروری (اے پی پی) اقوام متحدہ نا سیکرٹری جنرل انتوینو گوتریش پاکستان نا میجر جنرل ضیاء الرحمان ءِ دیکی صحارا ٹی ریفرنڈم کن اقوام متحدہ نا مشن صحارا ریفرنڈم (ایم آئی این یو آر ایس او) نا کمانڈر پن کننگ نا پڑو ءِ کرینے۔ اقوام متحدہ نا پریس ریلیز نا رداٹ میجر جنرل ضیاء الرحمان چین نا میجر جنرل ژاؤ وانگ نا جاگہ ءِ ہلیک ہرا 17 فروری 2019 ء آ تینا زمواری تیان دزکش مسوسس۔ میجر جنرل ضیاء الرحمان قومی و جہانی کہول آ 30 سال انا بھلو آزموندہ اس تخک ہراٹی چندی آپریشن آتے ٹی فوجی دستہ غاتا سرکڑدہ ہی ، کمانڈ، سٹاف اینڈ وار کالج نا کہول آ آزموندہ غاک ہم اوار و۔ داکان بیدس او ایلو اہم عہدہ غاتیا ہم تینا فرض ءِ ادا کرینے وخت اس کہ او اقوام متحدہ نا السی جمہوریہ کانگومشن اٹی ہم خذمت سرانجام تسنے۔ بیان نا رداٹ او2015ء آن 2016ء ٹی فلوریڈا ٹی امریکہ نا سینٹرل کمانڈ ہیڈ کوارٹر اٹی سنٹر نیشنل ریپری زیٹیٹو نا وڑاٹ ہم خذمت سرانجام تسنے۔ ساڑی ہی ٹی میجر جنرل ضیاء الرحمان 2016ء آن 2017 ء ٹی اسہ انفنٹری بریگیڈ و 2017 ء آن انفنٹری ڈویژن نا کمان ءِ کننگ ءِ۔ میجر جنرل ضیاء الرحمان پاکستان ملٹری اکیڈمی کاکول آن سائنس اٹی گریجوایشن نا ڈگری ءِ ہلک و لاہور اٹی کینیڈین اسکول آف مینجمنٹ انسٹیٹیوٹ آف گریجویٹ سٹڈی اٹ ماسٹر ان بزنس ایڈمنسٹریشن ، کوئٹہ ٹی بلوچستان یونیورسٹی آن بی ایس (آنرز) نا ڈگری، کمانڈ اینڈ اسٹاف کالج کوئٹہ آن ماسٹر آف سائنس ڈگری و اسلام آباد اٹی نیشنل ڈیفنس یونیورسٹی آن ماسٹر آف سائنس (آنرز) و ماسٹر آف فلاسفی نا ڈگری ءِ ہلکونے۔ میجر جنرل ضیاء الرحمان برامی ءِ اونا اِراچناءُ۔
