اسلام آباد۔20فروری (اے پی پی) ملک ءِ صدر ڈاکٹر عارف علوی ءَ گشتگ کہ پاکستان الیکٹرانک میڈیا ریگولیٹری اتھارٹی ءُ میڈیا دروگیں حالاناں دارگءِ کردءَ پیلو بہ کنت ۔ آئی ءَ اے گپ چارشمبے ءِ روچءَ پیمرا ءِ چیئرمین محمد سلیم ءَ گوں گندءُ نند کنانءَ کتگ ۔ ڈاکٹر عارف علوی ءَ اے گپ ءِ سرءَ زور پِرداتگ کہ پیمرا ہندی ازمءُ دود ءُ ربیدگ ، لیب ءُ گوازی، وانگءُ زانگءِ گیش کنگءَ ہم گامگیج بہ کنت ءُ میڈیا زانتءُ سرپدی مراگشاں چہ اُلسءَ را سرپدی بہ دنت۔ پیمرا ءِ کردءَ ساڑاتگءُ صدر ڈاکٹر عارف علوی ءَ گشتگ کہ پیمرا ءُ فریقین آنی نیامءَ اوست جوڑ کنگءِ ھاترءَ گامگیج کنگ بہ بیت۔ ملک ءِ صدرءَ گشتگ کہ ادارگءِ سالءِ بنیاتءَ کارءُ کردی رپورٹ جوڑ کنگ بیت۔ اے موہءَ چیئرمین پیمرا محمد سلیم ءَ صدرءَ را ادارگءِ سال 2015تاں 2018ءِ کارءُ کردی رپورٹ پیش کتگ۔
