بھارت ءَ اگاں پاکستان ءِ ھلاپ ءَ ڈاھ ءُُ شور کت گڈا ما پسو ءَ دیاں، اُرد، اُلس ءُُ سیاسی سروک یک مشت اَنت، سعودی شہزاد ءِ آیگ ءَ را وش اتک کناں، سپیکر سندھ اسمبلی ءَ اگاں دزگیر کنگی ات گڈا سندھ ءَ چہ بُکت اِنت، جیل ءَ چہ نہ ترساں ناں کہ بلاول جیل ءَ چہ ترس ایت، آ منی ءُُ بے نظیر ءِ چُک انت، سعودی شہزادہ ءِ آیگ ءِ پد ءَ اپوزیشن گل آناں دعوت دیگ نہ بوتگ ایشی ءَ چہ جمہوریت کمزور بوتگ، فضل الرحمن ءَ مارچ ءِ ماہ ءَ اگاں مارچ بندات کت گڈا پیپلز پارٹی ھمبراھ داری کنت اِنت گوں
اسلام آباد ۔ 20 فروری (اے پی پی) پاکستان پیپلز پارٹی ءِ شریکداریں چیئرمین آصف علی زرداری ءَ گوشت کہ بھارت ءَ اگاں پاکستان ءِ ھلاپ ءَ ڈاھ ءُُ شور کت گڈا ما پسو ءَ دیاں، اُرد، اُلس ءُُ سیاسی سروک یک مشت اَنت، سعودی شہزاد ءِ آیگ ءَ را وش اتک کناں، سپیکر سندھ اسمبلی ءَ اگاں دزگیر کنگی ات گڈا سندھ ءَ چہ بُکت اِنت، جیل ءَ چہ نہ ترساں ناں کہ بلاول جیل ءَ چہ ترس ایت، آ منی ءُُ بے نظیر ءِ چُک انت، سعودی شہزادہ ءِ آیگ ءِ پد ءَ اپوزیشن گل آناں دعوت دیگ نہ بوتگ ایشی ءَ چہ جمہوریت کمزور بوتگ، فضل الرحمن ءَ مارچ ءِ ماہ ءَ اگاں مارچ بندات کت گڈا پیپلز پارٹی ھمبراھ داری کنت اِنت گوں۔ اے ھیالانی درشانی آئی ءَ چار شمبے ءِ روچ ءَ ادا بلاول گس ءَ پیسریگیں مزن وزیر راجہ پرویز اشرف، پیسریگیں چیئرمین سینٹ نیئر حسین بخاری، شیری رحمن ، ڈاکٹر نفیسہ شاہ، قمر زمان کائرہ ءُُ عامر فدا پراچہ ءُُ ایندگر آنی ھمبراھی ءَ پریس کانفرنس ءَ گوں گشتانک دات۔ آصف زرداری ءَ گوشت کہ کشمیر ءِ جاور ھال مشکل ءَ چہ مشکل تر بوھگ ءَ انت، اے رنگیں جاور منی دور ءُُ باریگ ءَ ھم بوتگ اَنت بلے ما گوں ایندگر دُگنیا ءِ گوما بیک ڈور ڈپلومیسی کنان ءَ کشاں چیل آناں گیوار کتگ۔ آئی ءَ گوشت کہ بھارت گوش بدار ایت کہ نوں وھد ءِ لوٹ دگر انت، اگاں پاکستان ءِ ھلاپ ءَ ٹوک ءُُ ٹالی ءِ اشکنگ بوتگ گڈا ایشرا دپ پروشکیں پسو ءِ دیگ بہ بیت، سرجمیں راج، سیاسی زور ءُُ جوانیں ارد یک مشت اَنت۔ آئی ءَ گوشت کہ راج ءِ را دل یکیم کناں کہ بھارت ءِ گوما اگاں اے رنگیں واکیہ ءِ بوت گڈا حکومت ءِ گوما ھمگامی ءَ اوشتاں، اے وھد ءَ سرجمیں دگنیا ءَ چہ پاکستان ءَ را پھمیدگیں پندلے ءِ چیردستی ءَ ایوک کنگ بوھگ ءَ انت۔ حکومت ءَ را کوشست کنگ لوٹ ایت کہ آ اے رنگیں گامگیج بکنت ھمائی آنی سبب ءَ چہ انٹرنیشنل ڈپلومیسی ءُُ نیک راھی ملک ءِ گوما بہ بنت۔ آئی ءَ گوشت کہ سعودی عرب ءِ گوما مئے یکوئی است انت، سعودی شہزادہ پاکستان ءَ اتک گڈا ما سک وش ءُُ شات بوت اَنت، ما آئی ءَ را جوانی ءَ گوں وش اتک کت۔ آئی ءَ گوشت کہ آمید گس ءِ پسیلہ منی ھلاپ ءَ پیسر ءَ ھم اتکگ، انوگ ءَ ھم کئیت انت ما ایشاناں قبول کناں، ما ادارگ آناں مھکم کنگ لوٹ آں، آئی ءِ پیسلہ آناں تسلیم کناں، ما جج آنی پگار ءَ را گیش کتگ، ایشی ءِ مول ءُُ مراد اے نہ بوتگ کہ آواناں آسراتی دیگ بلکینگ ءَ ما لوٹ ات کہ شریں وکیل آناں سر ءُُ سوج کنگ بہ بیت ءُُ آ وتی کار آناں الکاپی ءَ آسر کنگ ءُُ آمید گس آناں جوانیں رنگ ءَ چلائینت بکن اَنت، انچیں جج دیم ءَ بیا انت کہ ایمانداری ءَ انصاف ءِ پجاری ءَ کت بکن اَنت۔ آئی ءَ گوشت کہ بیب ھرچی کیس جت کنت بجنت، جیل ءَ روگ کپت جیل ءَ رواں، منی واستہ نوکیں گپ ءِ نہ ات، بلاول ھم منی ءُُ بے نظیر ءِ چُک اِنت ءُُ آ اے مشکل آنی دیم پہ دیمی ءَ بہادری ءَ گوں کنت۔ آئی ءَ گوشت کہ ما سندھ، بلوچستان، پنجاپ، خیبر پختونخوا ءَ وار کشمیر ءُُ گلگت بلتستان ءِ ھک آنی واستہ جنگ کناں۔ یک جُستے ءِ پسو ءَ آئی ءَ گوشت کہ پیپلز پارٹی ءِ کراّ اے آپشن است انت کہ اگاں آ فضل الرحمن جنز ءَ بندات مکنت ھم مئے پارٹی وتی رنگ ءَ یک جنز ءِ بندات کت کنت۔ آئیءَ گوشت کہ ضمانت ءِ سر ءَ یلو بوھگ ءِ پد ءَ شہباز شریف ءَ را مبارک بات دیاں، نیب ءِ کانود گڈی کانود نہ انت یا آزمانی کانود نہ انت ایشی ءَ را مٹ کنگ بوت کنت ایشی ءِ تہ ءَ مٹ ءُُ بدلی بوھگ لوٹ ایت۔ یک جُستے ءِ پسو ءَ آئی ءَ گوشت کہ آمید گس ءِ جج وت گوشنت کہ ’’از خود نوٹس ءِ اختیار‘‘ ءِ سر ءَ چار ءُُ بچار کنگ بہ بیت۔ آئی ءَ گوشت کہ ھندی گچین کاری آنی لوٹ جاور آنی رد ءَ کنگ بوت کنت، حکومت اپوزیشن ءَ را بھر ءُُ بانگ کنان ءَ وتی کاروبار ءَ را چلائینگ ءِ کشک ءَ رھادگ اِنت، مارا چپ ءُُ چاگرد کنگ بوھگ ءَ انت۔
