اسلام آباد ۔ 20 فروری (اے پی پی)صدر مملکت ڈاکٹر عارف علویءَ گوشت کہ پاکستان الیکڑانک میڈیا ریگولیٹری اتھارٹی ءُُ رسانکدر دروگیں حالانی حوصلہ شکنی ءِ ھاترا کردءَ ادا کن ایت۔آہاں اے گپ چار شمبے ءَ چیئرمین پیمرا محمد سلیم ءِ گوما گند ءُُ نند ءِ تہ کتگ ات۔ ڈاکٹر عارف علویءَ اے گپے سرا زور دات کہ پیمرا ھندی فن ءُُ دود ءُُ ربیدگ،لیئب ءُُ وانگ ءُُ زانگ ءِ پراھی ءِ ھاترا ھم گامگیجءَ چست کن ایت ءُُ رسانک در سرپدی جنز ءُُ مراگشانی وسیلگ ءَ مہلوک ءِ تہ وانگ ءُُ زانگ ءِ ھاترا وتی شریں کرد ءَ ادا کن ایت۔ پیمرا ءِ کارکردگی ءَ را ساڑان ءَ صدر ڈاکٹر عارف علوی ءَ گوشت کہ صحی کتگیں ٹارگٹ ءِ زورگ ءَ ھوار پیمرا ءُُ فریقانی میان ءَ اعتماد ساچی ءِ ھاترا گام ءَ چست کن ایت۔ صدر مملکتءَ گوشت کہ سالینگ بنیاتاں ادارگہانی کارکردگی رپورٹ جوڈ کنگ بیت۔اے درگت ءَ چیئرمین پیمرا محمد سلیم ءَ صدر مملکت ءَ را ادارگءِ سال 2015ءَ چہ 2018ءِ تاں کارکردگی رپورٹ پیش کتگ۔(ن۔ا۔ج)
