اسلام آباد ۔ 20 فروری (اے پی پی) مزن وزیر عمران خان ءَ منی لانڈرنگ ءِ تہ ھوار مردماں را راجی مجرم گشان ءَ گوشت کہ اے رنگیں مردم کجام رعایت ءِ حقدار نیست انت، منی لانڈرنگ ملک ءَ را ھطرہ ءِ تہ مان کنگ انت اے ھاترا سکیں گام چست کنگ بوھگ انت۔آہاں اے گپ منی لانڈرنگ ءِ گرودار ءِ ھاترا کتگیں کوشست ءِ سرا دیمروئی ءِ چار ءُُ تپاسی دیوان ءِ سروکی کنان ءَ کتگ ات۔کانود ءِ وزیر ڈاکٹر فروغ نسیم، احتساب ءِ ھاسیں کمکارشہزاد اکبر، ڈی جی آئی ایس آئی لیفٹیننٹ جنرل سیّد عاصم منیر احمد، تہی کارانی سیکرٹری، چیئرمین ایف بی آر، ڈی جی اے این ایف، ہوم سیکرٹریز ءُُ دگہ ٹوھیں واکداراں دیوان ءِ تہ بھرزوراتگ۔تہی کارانی سیکرٹری ءَ مزن وزیر ءَ را منی لانڈرنگ ءِ گرودار ءِ ھاترا تنیگہ چست کتگیں گام گیج چہ سرپد کتگ۔آہاں گوشت کہ ھاسکر منی لانڈرنگ ءِ ھوالہ چہ انتظامی ءُُ کانود ساچی ءِ گام گیج ءِ باروا ھم سرپد کتگ۔اے موہ ءِ سرا مزن وزیر ءَ گوشت کہ منی لانڈرنگءِ تہ ھوار مردم راجی مجرم انت،اے رنگیں مردم ہچ رعایت ءِ حقدار نیست ات۔آہاں گوشت کہ راج ءِ زر ءَ دُزی کت ءُُ ڈن ملکاں جندی ھزانگ پر کنگ ءِ روش چہ نہ ایوکا ملک نگیگیں جاورانی آماچ انت بلکہ راج ءَ را وامانی تہ مان کنگ بوتگ۔آہاں گوشت کہ منی لانڈرنگ ملک ءَ را سکیں ھطرہ تہ مان کنگ انت اے ھاترا سکیں گام چست کنگی انت۔مزن وزیر ءَ دراھیں فریقاں را منی لانڈرنگ ءِ گرودار ءِ ھاترا وتی جہد ءَ را دوبر کنگ ءُُ اے گپ ءَ را سدکی جوڈ کنگ ءِ کڈنی دات کہ اے رنگیں کارروائی ءَ ھوار مجرم سزا چہ رکھگ مہ بنت۔
