اسلام آباد ۔ 20 فروری (اے پی پی) بنجاہی وزیر وانگ ءُُ زانگ ءُُ کسبی ھیلکاری شفقت محمود ءَ گوشت کہ فنی ھیلکاری چہ لہتیں منصوبگانی سرا کار برجاہ انت ،حکومت پاکستان ھمساھگیں ملک چین ءِ کمک ءَ چہ نوکیں ٹریننگ پروگرامءِ زوت بنگیجی کن ایت۔وانگ ءُُ زانگ ءِ وزیر ءَ اے ھیالانی درشان نیشنل ٹریننگ بورڈ ءِ 22می دیوان ءِ تہ کتگ ات۔آہاں گوشت کہ چین مارءَ اے تک ءِ تہ کمک دیگ لوٹگ انت۔بنجاہی وزیر ءَ را نیشنل ٹریننگ بیورو ءِ جیڈھ ءُُ جنجالءَ چہ سرپد کنگ بوتگ۔وزیر تعلیم ءَ گوشت کہ ورکرز ءِ دراھیں جیڈھ گیشینگ بنت ءُُ آہانی پگھارھم دیئگ بنت۔شفقت محمود ءَ گوشت کہ حکومت فنی تعلیم ءِ ھاترا کوشاں انت ءُُ اے مئے دلگوشی ءِ تہ ھوار انت۔وزیر تعلیم ءَ بورڈ ءِ جیڈھانی حل ءِ ھاترا سئے باسکی کمیٹی ھم جوڈ کتگ۔کمیٹی ءَ را آوکیں دیوان ءَ چہ پیسر ءَ سرجمیں تفصیل ھم پیش کنگ ءِ حکم داتگ۔
