اسلام آباد ۔ 20 فروری (اے پی پی) بنجاہی وزیر تعلیم ءُُ کسبی ھیلکاری شفقت محمود ءِ گوما بیرونس سیدہ وارثی ءَ گند ءُُ نند کتگ،اے موہ ءِ سرا مزن وزیر ءِ ھاسیں کمکار برائے اوورسیز پاکستانیز ذوالفقار عباس بخاری ھم ساڑی اتنت۔گند ءُُ نند ءِ تہ پاکستان ءِ تہ تعلیم ءُُ سکل ڈویلپمنٹ ءِ پراھی ءِ ھوالہ گوں گپ ءُُ تران کنگ بوتگ ات۔بنجاہی وزیر شفقت محمودءَ گوشت کہ تعلیم ءُُ سکل ڈویلپمنٹ حکومت ءِ اولی دلگوشی ءَ ھوار انت،تعلیم ءِ تک ءِ تہ لہتیں چیلنجانی دیمپان انت،دراھیں چیلجانی حل ءِ ھاترا بنجاہی کارگس ءَ پالیسی پدر کتگ ات ءُُ کار بناء کتگ انت۔بنجاہی وزیر ءَ گوشت کہ تعلیم ءِ پراھی ءِ ھاترا صوبگاں گوں ھوار کار کنگ اوں،شرح خواندگی ءَ را گیش کنگ ءِ ھاترا راجی تبک ءِ سرا مراگش لانچ کنگ بیت،سکل ڈویلپمنٹ ءِ ھاترا سکول ءِ تبک ءِ سرا کسبی تعلیم دیم آرگ بوھگ انت ءُُ اسلام آبادءِ تہ سکل یونیورسٹی ءِ ہڈ دیگ بوھگ انت۔اے درگت ءَ بیرونس سیدہ وارثیءَ تعلیم ءُُ سکل ڈویلپمنٹ ءِ تکءَ کتگیں حکومتی گامگیج ءَ را ساڑاتگ۔بنجاہی وزیر ءَ گراں بہائیں صلاح ءِ ھاترا بیرونس سیدہ وارثی ءِ منت گپتگ ات۔
