لاہور۔20فروری(اے پی پی )سر وزیر پنجاپ عثمان بزدار ءَ سوائن فلو چہ رکھگ ءِ ھاترا ہرممکن رکھگ ءِ گام چست کنگ ءِ کڈنی داتگ ات۔سر وزیر پنجاب ءَ پنت دات کہ سوائن فلو چہ شہریان رکھگ ءِ ھاترا اناگتیں بنیاتاں گام چست کنگ بنت۔ہمگرنچیں ادارگ ایکٹو ءِ وڈءَ فرضاں پیلو کن انت ءُُ احتیاطی تدابیرءَ گوں سرجمیں سرپدی جنز ءَ ھم ھلائین انت۔سوائن فلو ءِ نادراہانی طبی کمک ءِ سرا سرجمیں دلگوشی دیگ بیت ءُُ درمان ءِ پھجارگ ءَ را ہمک کیمت ءِ سرا سدکی جوڈ کنگ بیت۔سر وزیر ءَ گوشت کہ شہریاں را سوائن فلو ءَ چہ رکھگ ہمگرنچیں ادارہانی ذمہ واری انت اے ھوالہ ہچ کمی سگگ مہ بیت۔آہاں گوشت کہ سوائن فلو ءِ گرودار ،احتیاطی گامگیج ءُُ طبی کمک ءِ ھوالہ چہ زرتگیں گامگیجانی جند مانیٹرنگ کناں،سر وزیر ءَ بہاولپور ءِ تہ سوائن فلو چہ زالبولے بیران بوھگ ءِ ھوالہ چہ جان سلامتی ءِ کارگس چہ رپورٹ لوٹ کرتگ۔
