اسلام آباد۔ 20 فروری (اے پی پی) اسپیکر قومی اسمبلی اسد قیصر پارینے کہ مچ آ قوم بھارت نا جنگی جنون نا برخلاف یکجا مرسا ورندی ایترہ، پارلیمنٹ آن ہم بھارت ءِ اسیجا و دوٹوک ورندی تننگک، قومی اسمبلی ٹی بھارت نا جنگی جنون آ شرہ کرفنگک، قومی اسمبلی ٹی بھارت نا برخلاف اسیجا قرارداد اس ہم منظور کننگک۔ داخیال آتا درشانی ءِ او داڑے پارلیمانی رپورٹرز ایسوسی ایشن نا ڈل اتون اوڑدہی ٹی کرے۔ اوڑدہی ٹی صدر کنوینر پی آر اے طاہر خلیل، صدر قربان بلوچ، سیکرٹری جنرل بہزاد سلیمی ساڑی ئسر۔ اسپیکر قومی اسمبلی پارے کہ مچ آ قوم بھارت نا جنگی جنون نا برخلاف اسٹ مرسا ورندی ایترہ۔ پارلیمنٹ آن ہم بھارت ءِ اسیجا و دوٹوک ورندی تننگک۔ قومی اسمبلی ٹی بھارت نا جنگی جنون آ اینو شرہ کرفنگک۔ قومی اسمبلی ٹی بھارت نا برخلاف اسیجا قرارداد اس ہم منظور کننگک۔ اسد قیصر پارے کہ بھارت نا جنگی جنون نا معاملہ غا چیئرمین سینیٹ، سینیٹ اٹی اپوزیشن راہشون راجہ ظفرالحق تون اوار ایلو راہشون آتون ہیت و گپ مسنے۔ اوپارے کہ وزیر خارجہ تون ہم ہیت کرینن، اسیجا و امنائی قرارداد اس تیار کننگ انگ ءِ ، خوانہ کہ بھارت ءِ اسیجا و واضح ءُ کلہو اس تننگے۔ اوپارے کہ سیاسی افراتفری نا چاگڑد ءِ، خواہش ءِ کہ اسمبلیک چلینگر۔ خوانہ کہ زیات آن زیات کانودسازی مرے و الس ءِ ریلیف ملے۔ اسد قیصر پارے کہ قومی اسمبلی ٹی السی فائدہ غاتا کانود اس زوت منظوری کن بننگ ءِ۔ اسپیکر نا حیثیت اٹ ایوان نا کسٹوڈین اُٹ، غٹ ءِ اوار درسا کاوہ۔ میڈیا تنکی نا ایسری کن تینا کڑد ءِ ادا کننگ کن تیار اُٹ۔ اسپیکر قومی اسمبلی پارے کہ پی آر اے تینا نوشتہی سلاہ ءِ ایتے، وزیراعظم تون اوڑا ہیت کیوہ۔ میڈیانا ویل آتا بابت خصوصی پارلیمانی کمیٹی اس ٹہیفنگ آ سجفنگک۔
