متحدہ عرب امارات ءِ پاکستان اٹی امن و ایمنی نا گچین حالیت آتیان فائدہ ہرفسا بایدے پبی زرکاری کروئی مرے
اسلام آباد۔ 20 فروری (اے پی پی) چیئرمین سینیٹ محمد صادق سنجرانی پارینے کہ پاکستان و متحدہ عرب امارات نا نیام اٹ معاشی کمکاری ءِ مون آ دننگ نا بے پناہ کچ ساڑی ارے، متحدہ عرب امارات ءِ پاکستان اٹی امن وایمنی نا گچین حالیت آتیان فائدہ ہرفسا پبی زرکاری بایدے کروئی مرے، پارلیمان ہر ملک انا دروشم مریک و پاکستانی پارلیمنٹ ہڑتوم آ ملک آتا نیام اٹ ہڑتوم آ کنڈآتا دوستانہ تعلقداری تا مون آ دننگ اٹ نمان کڑد ادا کیک۔ داخیال آتا درشانی ءِ او چارشنبے نادے آ داڑے متحدہ عرب امارات نا سفیر حماد عبید براہیم صالم الاصابی تون اوڑدہی ٹی کرے۔ اوڑدہی ٹی بنجائی وزیر مذہبی امور پیر نور الحق قادری ہم ساڑی ئس۔ اوپارے کہ ہڑتوم آ ملک آتا نیام اٹ معاشی کمکاری ءِ مون آ دننگ نا بے پناہ کچ ساڑی ءِ۔ پارلیمان ہر ملک انا دروشم مریک و پاکستانی پارلیمنٹ ہڑتوم آ ملک آتا نیام اٹ دوستانہ تعلقداری تا مون آ دننگ اٹ نمان کڑد ادا کیک۔ چیئرمین سینیٹ پارے کہ پاکستان و متحدہ عرب امارات ڈیہہ نا شونداری و خلقت نا شونہالی نا اسیجا ایجنڈا غا عمل کننگ ءِ۔ صادق سنجرانی پارے کہ ہڑتوم آ ملک آتا نیام اٹ تاریخی تعلقداری اسیجاقدر آتیان گنڈوک ءِ۔ پاکستانی تا بھاز بھلو کچ اس متحدہ عرب امارات نا شونداری ٹی تینا کڑد ءِ ادا کننگ ءُ۔ ہڑتوم آ ملک آتا نیام اٹ اہم جہانی معاملہ غاتیا موقف اٹی یکسانیت ءِ۔ اوپارے کہ متحدہ عرب امارات ءِ پاکستان اٹی امن و ایمنی نا گچین حالیت آتیان فائدہ ہرفسا بایدے پبی زرکاری کروئی مرے۔ گوادر ڈیہہ نا شونداری و زرکاری نا گچین ءُ ہنداسے۔ ہڑتوم آ ملک آتا نیام اٹ پارلیمانی ڈل آتا ہن و براٹی ودکی نا گرج ءِ۔

متعلقہ مضامینمصنف کی طرف سے مزید