پاکستان سول ایوارڈ کن پنداری ٹی میرٹ و شفافیت ءِ مون آ تخنگے
اسلام آباد۔ 20 فروری (اے پی پی) بنجائی وزیر ڈٹ بندی ، شونداری ، اصلاحات و شماریات مخدوم خسرو بختیار پارینے کہ پاکستان سول ایوارڈ نا اعزاز شخصیت آتا است بڈی ءِ کیک، ہنداخاطران دا ایوارڈ کن پنداری ٹی بیرہ میرٹ و شفافیت ءِ مون آ تخنگے۔ دا ہیت ءِ او چارشنبے نادے آ مین ایوارڈز کمیٹی نا دیوان نا کماشی ءِ کرساپارے۔ دیوان اٹی سیکرٹری کابینہ ڈویژن فضل عباس میکن، چیئرمین ہائیر ایجوکیشن کمیشن، چندی وزارت و صوبائی حکومت آتا بڑزکو کمامدارآک ساڑی ئسر۔ دا کمیٹی پبلک سروس، بہادری و ملک اکن خذمت آتا کیٹیگری تیٹی چندی جتا پاکستان سول ایوارڈز کن وزارت و صوبائی حکومت آتا کنڈآن راہی کروک آ پن تا سلاہ سوج آتا جانچ پڑتال ءِ کیک۔
