چیئرمین متروکہ وقف املاک بورڈ انا گچین کاری کن 6 باسکی کمیٹی اس جوڑ، نوٹیفکیشن جاری
لاہور۔ 20 فروری (اے پی پی) بنجائی حکومت متروکہ وقف املاک بورڈ ءِ سیاسی بنداو تا جاگہ غا کمرشل و پروفیشنل بنداو تیا چلیفنگ نا فیصلہ ءِ کرسا بورڈ انا چیئرمین نا گچین کاری کن 6 باسکی کمیٹی اس جوڑ کرے ہراٹی بنجائی وزیر مذہبی امور و بین المذاہب ہم آہنگی نور الحق قادری ءِ کمیٹی نا سروک کننگانے۔ دا چرجوئی ٹی ڈپٹی سیکرٹری مذہبی امور سید سفیر حسین شاہ کمیٹی نا ٹہیفنگ نا جاری کروک نوٹیفکیشن نا رداٹ ایڈوائزر وزیراعظم ڈاکٹر عشرت حسین ءِ وزیراعظم انسٹی ٹیوشنل ریفارمز اینڈ آسٹریریٹی کمیٹی نا باسک کننگانے ۔ بنجائی سیکرٹری مذہبی امور ، بنجائی سیکرٹری کیبنٹ ڈویژن، بنجائی سیکرٹری اسٹیبلشمنٹ و بنجائی سیکرٹری کانود و انصاف ہم کمیٹی ٹی بطور باسک اوار کننگانے۔ متروکہ وقف املاک بورڈ انا سروک نا گچین کاری سیاسی بنداو تا جاگہ غا لائخی نا بنداو آ کننگک۔ وزیراعظم نا پرمان آن جوڑ کروک آ کمیٹی چیئرمین متروکہ املاک بورڈ کن بروک آ 150 آن زیات درخواست آتیا کارروائی کیک۔
