اسلام آباد۔19فروری(اے پی پی) صدر ڈاکٹر عارف علوی ءَ پاکستان ءَ 20ارب ڈالر ءِ زرکاری پیکج ءُ مفاہمت ءِ کاگدانی سرءَ دستخط کنگءَ سعودی عرب ءِ شگرءُ منت گپتگ ءُ گشتگ کہ پاکستان ءُ سعودی عرب ءِ نیامءَ دلی دوستی است، سعودی عرب یک انچیں وہدے ءَ پاکستانءَ گوں زرکاری کنگءَ دیما اَتکگ وہدے کہ مارا زرکاری ءِ پکار بوتگ، صنعتی پڑ، گوادر ءَ ریفائنری پراجیکٹ، معدنیات ، سیلءُ سواد ، مصنوعی ذہانتءَ ہوار دگہ بازیں پڑاں سعودی عرب زرکاری ءِ موہاں چہ پائدگ چست کُت کنت، دنیا سعودی عرب ءِ ولی عہد شہزادہ محمد بن سلمان ءِ وژن 2030ءِ ردءَ ملک ءَ دیمروئی کار کنگءِ حُب ءُ واہگ گندگ بوہگءَ اِنت، پاکستان ، چین ءُ سعودی عرب دوستی ءِ سیادی ءَ گوں بندوک اَنت، پاکستانءِ درائیں ادارگ مزن وزیر عمران خان ءِ سروکی ءَ کرپشن ءِ حلاپ ءَ حکومتی وژنءِ ردءَ ہم کوگپ اَنت۔ صدرءَ اے حیالانی درشانی سعودی عرب ءِ روہتاک عرب نیوز ءَ را ہاسیں گلگودار داتگءُ کتگ۔
