اسلام آباد۔19فروری (اے پی پی) چینءَ پاکستان ءُ بھارت ءَ گوں گشتگ کہ تحملءُ سگءُ اوپاربہ کن اَنتءُ زوت سولءُ تران ءِ بندات ءَ بہ کن اَنت۔ اے گپ دری کارانی چینی وزارت ءِ جارچین چنگ شوانگ ءَ سے شمبےءِ روچءَ پریس شونشت ءَ گشتگ۔ آئیءَ گشتگ کہ پاکستانءُ بھارت دوئیں جنوبی ایشیا ءِ ہاسیں ملک اَنت، دوئینانی سیادی ءِ محکمی امنءُ ایمنی ءُ پہ دیمروئی ءَ المی اِنت۔ آئی ءَ گشتگ کہ چین ءَ را اُمیت اِنت کہ پاکستان ءُ بھارت دوئیں تحملءُ سگءُ اوپار بہ کن اَنت ءُ زوت سول ءُ تران بندات بہ کن اَنت ۔ پاکستان ءَ سعودی عرب ءِ زرکاریءُ سعودی ولی عہد شہزادہ محمد بن سلمان ءِ پاکستان ءِ ترءُ تاب ءِ ہوالگءَ چین ءَ وشی ءِ درشانی کتگءُ گشتگ کہ پاکستان سعودی عربءَ ہوار دگہ ملک آنی گوما دوستی ءُ کمک کنگءِ گامگیج ءَ کنگءَ اِنت۔
