اسلام آباد۔ 19 فروری (اے پی پی) کابینہ ءِ اقتصادی رابطہ کمیٹی (ای سی سی) ءَ پاکستان سٹیل ملز ءِ ھوالگ ءَ نیب کیسز ءَ چار ءُُ تپاسیں کارندہ انی نام ایس سی ایل ءَ مان کنگ وھدیکہ ملک ءَ کد ءِ مزن یں کساس دستیابی دل یکیمی کنگ ءِ واستہ یوریا پلانٹس آنی اکتوبر ءَ تاں پیداوار ءَ را جاڑی دارگ ءِ پنت ءُُ شون کت۔ ای سی سی ءِ دیوان سئے شمبے ءَ بنجاھی وزیر ھزانگ اسد عمر ءِ سروکی ءَ برجم دارگ بوت۔ دیوان ءَ وزارت ءِ پیداوار ءَ پاکستان سٹیل ملز ءِ ھوالگ ءَ نیب ءِ کیس آنی سر ءَ دیمروئی گامگیج آنی جاور ھال ءِ بابت ءَ پریزینٹیشن دات۔ ای سی سی ءَ پنت ءُُ شون کت کہ چار ءُُ تپاسیں کارندہ آنی نام ای سی ایل ءَ مان کنگ ءَ را دل یکیمی جوڑ کنگ بہ بیت۔ دیوان ءَ وزارت ءِ تجارت ءَ را وردنی سامان آنی ڈن ءَ روان دیگ ءِ واستہ لیبلنگ ءِ ضلورت آنی تہ ءَ المی یں گیشی ءِ ھوالگ ءَ شور ءُُ مشورہ آنی سر ءَ چار ءُُ بچار کنان ءَ ایشی ءِ منظوری دات۔ ایشی ءَ ابید وزارت ءِ نیشنل فوڈ سیکورٹی اینڈ ریسرچ ءِ نیمگ ءَ ای سی سی ءَ را ملک ءَ یوریا ءُُ ڈی اے پی کد آنی ’’طلب ءُُ رسد‘‘ ءِ جاور ھال آنی بابت ءَ بریفنگ دیگ بوت۔
