اسلام آباد ۔ 19 فروری (اے پی پی) مزن وزیر عمران خان ءَ فیڈرل بورڈ آف ریونیو (ایف بی آر) ءَ را ٹیکس دیوک آنی آسراتی ءَ را دل یکیمی کنگ وھدیکہ ٹیکس نہ دیوک ءُُ ٹیکس دُز آناں الس ءِ دیم ءَ سہرا کنگ ءِ پنت ءُُ شون کنان ءَ گوشت کہ ٹیکس دیوک آنی تنگ کنگ ءِ مٹ ءَ ٹیکس دُز ءُُ نہ دیوک آناں نیمگ ءَ ھاسیں دلگوشی کنگ بہ بیت، ٹیکس دُز راج ءُُ ملک ءِ دژمن اَنت، آوانی ھلاپ ءَ اچ رنگ ءِ نرمی کنگ مہ بیت۔ آئی ءَ اے گپ سئے شمبے ءِ روچ ءَ ملک ءِ مڈی آنی یکجا کنگ ءِ رد ءَ کتگیں حکومتی گامگیج آنی بابت ءَ یک ارزشتی ایں دیوانے ءِ سروکی ءَ کنان ءَ کت۔ دیوان ءَ وزیر ءِ ھزانگ اسد عمر، وزیر ءِ اھوالکاری چوہدری فواد حسین، وزیر ءِ مملکت برائے ریونیو حماد اظہر، ترجمان ندیم افضل چن، ھاسیں کمکار افتخار درانی، چیئرمین ایف بی آر جہانزیب خان ءُُ ایندگر اپسرگ شریک اتنت۔ دیوان ءِ ساھت ءَ چیئرمین ایف بی آر ءَ ٹیکس یکجا کنگ، ٹیکس ءِ بنیات ءَ گیش ءُُ نہ دیوک آں چہ ٹیکس ءِ گرگ ءِ واستہ کتگیں نوکیں گامگیج آں چہ مزن وزیر ءَ را سرپد کت۔ مزن وزیر ءَ پنت ءُُ شون کت کہ لائک ءِ گرگی ٹیکسز آناں یکجاہ کنگ ءِ واستہ نوکیں کار رپک آناں کارمرد کنگ بہ بیت تانکہ ٹیکس نہ دیوک آناں نیٹ ءِ توک ءَ آرگ بہ بیت آھودا ٹیکس نہ دیوک آنی واستہ آسانی پیداک کنگ مہ بیت۔ آئی ءَ گوشت کہ اے پڑ ءَ جوانیں کاروائی کنگ بہ بیت نہ دیوک آناں گرگ ءُ پنجگ کنگ بہ بیت۔ دیوان ءِ ساھت ءَ مزن وزیر ءَ را گوشگ بوت کہ ہائی نیٹ ورتھ مردم آنی شش ہزار ءَ چہ گیش کیس آنی سر ءَ چار ءُُ تپاس بوھگ ءَ انت ایشاں چہ سرجمیں رنگ ءَ دو ارب ءَ چہ گیش کٹ یکجا کنگ ءِ امیت انت، انوگ ءَ تاں 1.3ارب ءِ وام گرگ بوتگ۔ مزن وزیر ءَ را سر پد کنگ بوت کہ ھال ءُُ پٹ ءُ پول ءِ 66 کیس آنی سر ءَ کار جاڑی انت ایشانی تہءَ انوگ ءَ تاں 1.5 ارب کلدار ءَ چہ گیش گرگ بوتگ۔ ڈن ملک ءَ چہ جائیداد (آف شور مڈی) آنی کیس آنی تہ ءَ انوگ ءَ تاں6ارب ءَ چہ گیش دیگی وام ٹیکسز یکجا کنگ بوتگ۔ دیوان ءَ را گوشگ بوت کہ سیکشن 214ای ءِ چیر دستی ءَ 1.573 ارب کلدار گرگ بوتگ۔ مزن وزیر ءَ را بریفنگ دیگ بوت کہ ایف بی آر ءِ نیمگ ءَ انوگ ءَ تاں 2000پلازہ ءِ میپنگ کنگ بوتگ وھدیکہ 2500ءَ چہ گیش پوائنٹ آف سیل ءِ سر ءَ لائک ءِ گرگی ٹیکس یکجا کنگ ءِ واستہ وت کاریں نظام ءِ پٹ کنگ بوتگ۔ ایف بی آر ءِ نیمگ ءَ چہ اے نوکیں گامگیج ءِ چیر دستی ءَ 24.818 ارب کلداار ءِ وام آنی امیت انت وھدیکہ ایشی ءَ چہ انوگ ءَ تاں 11.882 ارب کلدار گرگ بوتگ۔
