اسلام آباد۔ 18 فروری (اے پی پی) سعودی ولی عہد پاکستان ءِ 2 روچی تر ءُُ تاب سرجم کنگ ءَ پد دو شمبے ءَ بنجاھی دارالحکومت ءَ چہ روادگ بوت اے وھد ءَ آرا جوانیں رنگ ءَ بروپہ ھیر کنگ بوت۔ مزن وزیر عمران خان ءَ سعودی ولی عہد ءِ ھمبراھی ءَ ایوان ءِ صدر ءَ چہ نور خان ائیر بیس ءَ تاں گاڑی وت چلائینت۔ اے موہ ءِ سر ءَ نور خان ائیر بیس ءِ سر ءَ مزن وزیر عمران خان ءُُ سعودی ولی عہد ءَ میڈیا ءَ گوں گپ ءُُ تران ھم کت۔ ایشی ءَ چہ پد مزن وزیر ءَ وزیر ء، درئی کار شاہ محمود قریشی، وزیر ءِ اھوالکاری ءُُ شنگ کاری فواد حسین، وزیر مہمانداری خسرو بختیار، چیف آف آرمی سٹاف جنرل قمر جاوید باجوہ ءُُ ایندگر کلانہ ایں کارندہ آں ھوار شہزادہ محمد بن سلمان ءَ را برو پہ ھیر کت۔ سعودی ولی عہد ءِ جہاز برز ءَ چست بوت گڈا مزن وزیر ءَ بالی پڑ ءِ سر ءَ ساڑیگیں ٹوھ ٹوھیں مردم آں گوں دود ءُُ دُراھ کت ءُُ ایشاناں برو پہ ھیر کت۔ ادا اے گپ لائک ءِ تران اِنت کہ سعودی ولی عہد ءِ تر ءُُ تاب ءِ موہ ءَ پاک ۔ سعودی سپریم کوآرڈینیشن کونسل ءِ دیوان برجم دارگ بوت ایشی ءِ یکجاھی سروکی مزن وزیر ءُُ سعودی ولی زمانگ ءَ کت۔ اے موہ ءِ سر ءَ دوئیں ملک آنی نیام ءَ جتا جتائیں شوبگ آنی تہ ءَ کمک ءَ ھاترا منوگری ءُُ یاتگیری آنی سر ءَ دست چنگل جنگ بوت۔ مزن وزیر ءَ سعودی ولی ءِ زمانگ ءَ گوں ون آن ون گند ءُُ نند کت ءُُ آوانی شرپ ءَ شپ ءِ شام دات۔ ایشی ءَ چہ پد صدر ءَ سعودی ولی زمانگ ءَ را پاکستان ءِ ٹوھ تریں سول داد ’’نشان پاکستان‘‘ ھم دیگ بوت۔ صدر ڈاکٹر عارف علوی ءَ ایوان ءِ صدر ءَ آئی ءِ شرپ ءَ جوانیں دیوان ءِ بست ءُُ بند کنگ بوت۔
