اسلام آباد۔18فروری (اے پی پی) بیپاری ءُ زرکاریءِ سعودی وزیر ماجد بن عبداللہ القصابیءِ پاک سعودی انویسٹرز کانفرنس ءِ موہءَ حیالءُ لیکہ ءِ درشانی ءُ گشتگ کہ پاکستان ءَ درملکی زرکاراں اے نیمگءَ آرگءِ گنجائش اَست۔ دوشمبے ءِ روچءَ ہندی ہوٹل ءَ ہڈ داتگیں پاک سعودی انویسٹر نانفرس ءِ موہءَ آئیءَ گشتگ کہ پاکستانءُ سعودی عربءَ میاں اوستمانی زرکاری ءِ بازیں موہ اَست ءُ پاکستان پہ میاں اوستمانی زرکاراں ہاسیں ملک اِت۔آئیءَ گشتگ کہ سعودی عرب ءِ 80درسد آباتی ءِ اُمبر 40سال ءَ چہ کم وہدے کہ 70درسد ءِ اُمبر 35سال ءَ چہ کم اَنت کہ آہانی بانداتءَ روژناہ کن اَنت۔ آئیءَ اُمیت درشان کتگ کہ اے وڑیں شریداری ءَ چہ زرکاری گیش بیت ءُ بیپاری موہ گیش بنت کہ دوئیں ملک پائدگ چست کت کناں۔ آئیءَ گشتگ کہ وژن 2030ءِ ردءَ سعودی عرب ءَ چہ نوکیں موہ پیش کنگ ءَ اِنت، کہ ایشی ءَ چہ سیلءُ سواد ، ازمت، سیلءُ سوادءَ ہوار دگہ بازیں پڑاں زرکاری ءِ موہءَ چہ پائدگ چست کُت کن اَنت۔
