اسلام آباد۔18فروری (اے پی پی) حال ءُ احیوال کاری ءُ شنگاری چوہدری فواد حسین ءَ گوں سعودی ءِ حال ءُ احیوال کاریءُ شنگکاری ءِ وزیر ترکی الشبانہ ءِ گندءُ نند کتگ ۔ گندءُ نندءَ حال، تامورءُ دودءُ ربیدگءِ پڑءَ سیادی ءَ را گیش محکم کنگءَ ہوار دگہ بازیں کارانی سرءَ حیالءُ لیکہءِ درشانی کنگ بوتگ۔ بنجاہی وزیر چوہدری فواد حسین ءَ فلم ءُ کسہ آنی پڑءَ کمک ءُ یکجائی پروڈکشنز ءُ دود ءُ ربیدگی سیادی ءَ را گیش مھکم کنگءِ ھاترءَ سعودی وزیرءِ ویژن ءُ حبءُ واہگءَ را ساڑاتگ۔ بنجاہی وزیر چوہدری فواد حسین ءَ گشتگ کہ فلمءُ ڈرامہ ءِ پڑءَ کمک کنگءِ بازیں موہ اَست ءُ دوئیں ملک ایشی ءَ چہ پائدگ چست کُت کن اَنت۔ آئیءَ گشتگ کہ سعودی حکومت ءَ را میڈیا یونیورسٹی جوڑ کنگءِ منصوبہ ءَ شریدار بوہگءِ دعوتءَ دیاں۔ سعودی وزیرءَ ءَ میڈیا یونیورسٹی بندات کنگءِ منصوبہ ساڑاتگ۔ بنجاہی وزیر چوہدری فواد حسین ءَ پی ٹی وی ءِ مراگشاں سعودی عرب ءَ شنگ کنگ ھاترءَ سعودی وزیرءِ کمک لوٹ اِتگ، گندءُ نندءَ دوئیں ملک آنی نیمگءَ چہ سینئر افسر ہم ہوار بوتگ اَنت۔
