اسلام آباد۔ 18 فروری (اے پی پی) پاکستان و سعودی عرب نا نجی بشخ انا نیام اٹ مفاہمت نایات داشت آتیا دستخط کننگانے۔ دوشنبے نادے آ داڑے ہندی ہوٹل اٹی اڈ ہلوک آ پاک سعودی بزنس کانفرنس نا وخت آ پاکستان و سعودی عرب نا نجی بشخ مفاہمت نا اِرا یات داشت آتیا دستخط کرینو ہرافتا رداٹ سعودی چیمبر و سیالکوٹ اٹی آلات جراحی تیار کروک آ ہندی کمپنی نا نیام اٹ مفاہمت نا یات داشت آتیا دستخط کننگانے داڑان سعودی عرب پاکستان آن آلات جراحی درآمد کیک۔ ہڑتوم آ ملک آتا نجی بشخ اٹی مروک آ مفاہمت نا ارٹ میکو یات داشت نا رداٹ سعودی چیمبر و سٹی اسکول دستخط کرینو۔ سٹی اسکول ریاض اٹی تینا برانچ اس ملک۔
