اسلام آباد۔ 18 فروری (اے پی پی) سعودی عرب ءِ وزیر ءِ درئی کار عادل الجبیر ءَ گوشت کہ پاکستان ءُُ سعودی عرب نزیکیں یکوئی ءُُ اقتصادی کمک ءِ وسیلگ ءَ دیمروئی ءِ سیم سر آئی در جنگ ءِ کشک ءَ رھادگ اَنت۔ دو شمبے ءَ ادا وزیر ءِ درئی کار شاہ محمود قریشی ءِ ھمبراھی ءَ یکجائی پریس کانفرنس کنان ءَ سعودی وزیر ءِ درئی کار ءَ گوشت کہ دوئیں ملک آنی نیام ءَ یکوئی ءَ را دیمروئی ءُُ ودینگ ءِ ضلورت ءِ واستہ پاکستان ءُُ سعودی عرب ناشر کاری ءِ گر ءُُ دار، معیشت، السی رابطہ ءُُ دود ءُُ ربیدگ ءِ شوبگ ءَ آسر آنی در جنگ ءِ واستہ روڈ میپ شاھیگان کنگ ءَ انت۔ پاکستان ءَ سعودی رب ءِ بیمگ ءَ 20ارب ڈالر ءِ سرمایہ کاری ءِ جست ءِ پد ءَ عادل الجبیر ءَ گوشت کہ سعودی سرمایہ کاری ءِ موہ ءُُ مراد پاکستان ءِ اقتصادی ودینگ ءَ کمک کنگ انت، اے دوئیں ملک آنی وت مہ وتی ءَ چہ سیت زورگ ءِ سرمایہ کاری انت۔ آئی ءَ گوشت کہ سعودی عرب ءِ ولی عہد شہزادہ محمد بن سلمان ءُُ مزن وزیر عمران خان ءِ استی ءَ دوئیں ملک آنی نیام ءَ تپاکی ءِ 7مسل آنی سر ءَ دست چنگل بوتگ اَنت، دوئیں ملک آنی نیام ءَ یکوئی ءِ برجائی ءَ را نوں کارگسی رنگ دیگی انت۔ وزیر ءِ درئی کار شاہ محمود قریشی ءَ گوشت کہ سعودی پاک سپریم کورآرڈینیشن کونسل ءِ چیر دستی ءَ 10ورکنگ گروپ آنی جوڑ کنگ بوتگ ایشی ءَ چہ دیوان ھمک سئے ماھ ءَ پد بنت اِنت، کوآرڈینیشن کونسل سلامتی، دیمپانی ، انٹلی جنس ھال آنی یک ءُُ دگر ءُُ دیگ ءُُ زورگ، ءُُ ھاٹیگ ءِ شوبگ ءَ رابطہ کنگ بیت وھدیکہ دوئیں ملک آنی سروک منصوبگ آنی نگرانی ءَ کنت اِنت۔ آئی ءَ گوشت کہ سعودی پاک سپریم کوآرڈینیشن کونسل یک ٹوھیں منصوبگ ات ایش دوئیں ملک آنی سروک وژن ءِ در جنگ ءِ رد ءَ شنگ ءُُ تالان کنگ بوتگ۔ سعودی عرب ءِ نیمگ ءَ پاکستانی آنی واستہ ویزہ فیس ءِ سر ءَ چار ءُُ تپاسی ءِ پد ءَ سعودی حکومت ءِ شگر ءُُ منت گپت۔ وزیر ءِ درئی کار ءَ گوشت کہ پاکستان ءُُ سعودی عرب ءِ نیام ءَ مھکمیں اقتصادی رابطہ ءَ چہ زرّ ءَ آدیم پاکستانی آناں سک باز سیت رس ایت، ایشی ءَ چہ ملک ءَ روزگار ءِ سک باز موہ پیداک بیت۔ آئی ءَ گوشت کہ پاکستان ءَ اے رنگ ءِ چست ءُُ ایر آناں اچبر قبول کنگ نہ بیت، اے رد ءَ پاکستان ایران ءِ گوما انٹیلی جنس ھال آنی یک ءُُ دگر ءَ دیگ ءُُ زورگ ءِ رد ءَ کمک ءِ واستہ تیار اِنت۔ آئی ءَ گوشت کہ پاکستان ایران ءِ وت مستری ءُُ سالمیت ءِ شرپ ءُُ ازت ءَ کنت اِنت۔
