اسلام آباد۔ 18 فروری (اے پی پی) سعودی ولی عہد شہزادہ محمد بن سلمان دوشمبے ءَ ایوان ءَ صدر ءَ پج ات گڈا آئی ءَ را جوانیں رنگ ءَ صدر ءِ مملکت ءَ وش اتک کت۔ صدر ءِ مملکت ڈاکٹر عارف علوی ءَ ایوان ءِ صدر ءِ مزنیں ڈکھ ءِ دپ ءَ سعودی ولی عہد ءَ را وش اتک کت۔ اے موہ ءِ سر ءَ بنجاھی کابینہ ءِ باسک ساڑی اتنت۔ سعودی ولی عہد محمد بن سلمان مزن وزیر عمران خان ءِ ھمبراھی ءَ ’’بگھی‘‘ ءِ سر ءَ سوار ایوان ءِ صدر ءَ پج ات۔ اے موہ سر ءَ پریذیڈنٹ باڈی گارڈ ءِ ٹولیگ آئی ءِ ھمبراہ اتنت۔ کشک آنی سر ءَ نمونگ نمونگ ءِ سوگات اتنت ایش جتا جتائیں صوبگ آنی آدینک ءَ پیش دار انت۔ سعودی ولی عہد ءَ را پاکستان ءِ ٹوھ تریں سول ایوارڈ ’’ نشا ن پاکستان‘‘ دیگ بیت وھدیکہ صدر ءِ مملکت ءِ نیمگ ءَ آئی ءِ شرپ ءَ سُبارگ ءِ بست ءُُ بند ھم کنگ بوھگ ءَ انت۔
