وزیراعظم عمران خان نا درخواست آ سعودی ولی عہد شہزادہ محمد بن سلمان سعودی جیل آتے ٹی بند 2107 پاکستانی بندی تا دمدستی یلہ کننگ نا پرمان تسنے
اسلام آباد۔ 18 فروری (اے پی پی) بنجائی وزیر اطلاعات و نشریات چوہدری فواد حسین پارینے کہ وزیراعظم عمران خان نا درخواست آ سعودی ولی عہد شہزادہ محمد بن سلمان سعودی جیل آتے ٹی بند 2107 پاکستانی بندی تے دمدستی یلہ کننگ نا پرمان تسنے۔ دوشنبے نادے آ ٹویٹر آ تینا کلہو اٹی وزیر اطلاعات پارے کہ وزیراعظم عمران خان یک شنبے نا نن سعودی ولی عہد محمد بن سلمان نا شرف اٹی شام انا اِرغ آ ولی عہد آن سعودی عرب اٹی بند بندی تا یلہ کننگ نا بارواٹ خصوصی درخواست کریسس۔
