اسلام آباد۔ 18 فروری (اے پی پی) بنجائی وزیر پٹرولیم سرورخان و سعودی عرب نا وزیر توانائی خالد الفلیح نا نیام اٹ دوشنبے نادے آ داڑے اوڑدہی مس۔ سعودی وزیر توانائی تون اوار سعودی ڈل ہم اوڑدہی ٹی ساڑی ئسر ۔ اوتوانائی نا بشخ اٹی کمکاری تون اوار تین پہ تینی است خواہی نا معاملہ غاتیا گپ و تران کریر۔ داوخت آ ایڈیشنل سیکرٹری ڈاکٹر تنویر قریشی، جوائنٹ سیکرٹری توقیر حسین و ایم ڈی پی ایس او جہانگیر علی شاہ ئسک ہم ساڑی ئسر۔ غلام سرور خان پارے کہ سعودی حکومت تون معاہدہ غاتا رداٹ پاکستان ءِ تیل برآمد کننگ آ 1.2 ارب ڈالر نا بچت مریک۔ غلام سرور خان پارے کہ سعودی زرکاری آن پاکستان اٹی شونداری و شونہالی نا پوسکن ءُ بشخ اس بناکیک۔ پاکستان اٹی جہانی زرکار آتا پت ودک۔ پاکستان اٹی اقتصادی سوگوی آن روزگار نا وارخواہیک ودرہ ۔ اوڑدہی ٹی ڈی جی ایل جمیل سلیم، ڈی جی منرل محمد اقبال و ڈائریکٹر ریفائنری بابر مجید ئسک ہم ساڑی ئسر۔
