اسلام آباد۔ 18 فروری (اے پی پی) وزیر خارجہ شاہ محمود قریشی پارینے کہ سعودی عرب نا ولی عہد شہزادہ محمد بن سلمان وزیراعظم عمران خان نا درخواست آ سعودی عرب نا جیل آتے ٹی بند 2107 پاکستانی بندی تا دمدستی یلہ کننگ نا پرمان تسنے ۔ وزیر خارجہ شاہ محمو دقریشی داڑے جاری بیان اٹی پارے کہ سعودی ولی عہد وزیراعظم عمران خان نا درخواست آ سعودی عرب نا جیل آتے ٹی بند پاکستانی بندی تا یلہ کننگ نا پرمان تسنے ہراڑانن سعودی ولی عہد نا بے حد منت وار اُن۔ او پارے کہ داننکن بھاز بھلو خبر اسے بھاز انگا پاکستانی خاہوت آک ہرابھلو وخت اسے آن درخواست کریرہ اینو اوفتا توار ءِ بِننگانے ۔ وزیر خارجہ پارے کہ او تینا و پاکستان نا قوم انا کنڈآن ولی عہد شہزادہ محمد بن سلمان نا است انا حب اٹ منت واری ءِ ہرفک ، دا خیر سگالی گام گیج آن ہڑتوم آ ملک آتا تعلقداریک پین سوگو مریرہ۔
