اسلام آباد۔ 17 فروری (اے پی پی) سعودی ولی عہد شہزادہ محمد بن سلمان ءَ را دو روچی تر ءُُ تاب ءِ ساھت ءَ پاکستان ءِ مستریں سول ایوارڈ نشان پاکستان دیگ بیت۔ ترجمان درئی کارانی کارگس ءِ نیمگ ءَ یک شمبے ءِ روچ ءَ جاڑی بوتگیں بیان ءِ رد ءَ سعودی ولی عہد ءَ را نشان پاکستان دو شمبے ءَ ایوان ءِ صدر ءَ برجم بوھوکیں مراگش ءَ دیگ بیت۔ ترجمان ءَ یک دگہ ٹویٹ ءِ تہ ءَ گوشت کہ مزن وزیر عمران خان ءِ پنت ءُُ شون ءِ پد ءَ پاکستان ورکرز ءِ واستہ ویزا فیس آنی تہ ءَ کمی ءِ ھوالگ ءَ سعودی ولی عہد محمد بن سلمان ءَ زوت کاروائی کنان ءَ ویزا فیس آنی تہ ءَ کمک کتگ ایشی ءِ پد ءَ 15فروری ءَ اے کانود ءَ پد ءُُ رند کنگ بیت۔
