اسلام آباد ۔ 17 فروری (اے پی پی)سعودی ولی عہد شہزادہ محمد بن سلمان ءِ مزن وزیر گس ءَ پجگ ءِ پد ءَ جوانیں رنگ ءَ وش اتک کنگ بوت۔ آئی ءِ شرپ ءَ جوانیں وش اتکی مراگش ءِ برجم دارگ بوت۔ سعودی ولی عہد ءَ را مزن وزیر گس ءَ پجگ ءِ پد ءَ گارڈ آف آنر پیش کنگ بوت۔ سعودی ولی عہد شہزادہ محمد بن سلمان مزن وزیر عمران خان ءِ ھمبراھی ءَ ائیر پورٹ ءَ چہ مزن وزیر گس ءَ پجگ ات گڈا سلاھ بندیں ورنا آں آئی ءَ را گارڈ آف آنر پیش کت۔ اے موہ ءِ سر ءَ دوئیں ملک آنی راجی سوت جنگ بوت۔ سعودی ولی عہد ءَ گارڈ آف آنر ءِ چار ءُُ تپاسی کت ایشی ءَ چہ پد مزن وزیر عمران خان ءَ کابینہ ءِ باسک آنی پجار کت۔ سعودی ولی عہد ءَ ھم وتی کابینہ ءُُ ڈل ءِ باسک آں گوں مزن وزیر عمران خان ءِ پجار کنائینت۔ آئی ءَ مزن وزیر گس ءِ لان ءَ یاتگیری پُل ھم کشت۔
