اسلام آباد۔ 17 فروری (اے پی پی) سرمایہ کاری بورڈ ءِ چیئرمین ہارون شریف ءَ سعودی ولی عہد ءِ تر ءُُ تاب ءِ پاکستان ءُُ آئی ءِ تر ءُُ تاب ءَ چہ بوھوکیں منوگر ی آئی ھوالگ ءَ گوشت کہ ایشیءَ چہ پاکستان ءِ ھوالگ ءَ دگنیا ءَ جوانیں کلوہ ءِ روت ءُُ سرجمیں دگنیا ءَ چہ سرمایہ کار پاکستان ءِ نیمگ ءَ دلگوش کن اَنت۔ یک شمبے ءِ روچ ءَ یک گلگدارے ءِ تہ ءَ آئی ءَ گوشت کہ پاکستان ءُُ سعودی عرب ءِ نیام ءَ وت مہ وتی تپاکی ءِ چار نوکیں ءُُ ارزشتی ایں یاتگیری آنی سر ءَ دست چنگل جنگ بیت۔ اائی ءَ گوشت کہ ٹیل ساپ کنوکیں ءُُ پیٹوکیمیکل ءِ شوبگ ءَ کمک ءِ واستہ تپاکی ءِ منوگری ءِ سر ءَ دست چنگل جنگ بیت۔ پاکستان ءِ نیمگ ءَ وزارت ءِ پیٹرولیم ءُُ سعودی عرب ءِ وزارت ھاٹیگ ، صنعت ءُُ کدرتی آسراتی ءِ نیمگ ءَ دست چنگل ھم جنگ بیت۔ سرمایہ کاری بورڈ ءِ چیئرمین ءَ گوشت کہ ھاٹیگ ءِ منصوبگ آنی تہ ءَ کمک ءِ واستہ منگ نامہ ءِ یاتگیری آنی سر ءَ سعودی عرب ءِ وزات ھاٹیگ، صنعت ءُُ کدرتی مڈی ءُُ آسراتی ءُُ پاکستان ءِ وزیر ءِ ھاٹیگ ءِ نیمگ ءَ دست چنگل جنگ بیت۔ آئی ءَ گوشت کہ کدرتی آسراتی آنی شوبگ ءَ کمک ءِ واستہ منگ نامہ ءِ سر ءَ وزارت ءِ پٹرولیم ءُُ سعودی عرب ءِ وزارت ءِ ھاٹیگ، صنعت ءُُ کدرتی آسراتی ءِ نیمگ ءَ دست چنگل جنگ بیت۔ آئی ءَ گوشت کہ سعودی فنڈ برائے دیمروئی ءِ نیمگ ءَ پاکستان ءَ سرمایہ کاری ءِ واستہ منگ نامہ ءِ سر ءَ فنڈ ءِ چیئرمین احمد عقیل الخطیب ءُُ وزیر ءِ ھزانگ اسد عمر دست چنگل جن اَنت۔
