اسلام آباد۔ 17 فروری (اے پی پی) بنجاھی وزیر پٹرولیم غلام سرور خان ءَ گوشت کہ ماچھیکے۔تاروجبہ 427 کلومیٹر آئل پائپ لائن ءِ جوڑیشت ءِ سر ءَ کار زوت بنگیج کنگ بیت تانکہ شیخوپورہ ءَ چہ پشاور ءَ جوانیں ءُُ رکھیتگیں رنگے ءَ پٹرول ءُُ ٹیل ءِ سامان آنی بر ءُُ آر دل یکیمی جوڑ کنگ بہ بیت۔ پائپ لائن ءِ سر ءَ کار ءِ بنگیج ءِ ھوالگ ءَ یک جستے ءِ پسو ءَ ’’اے پی پی‘‘ ءَ گوں تران کنان ءَ بنجاھی وزیر ءَ گوشت کہ اقتصادی رابطہ کمیٹی ءِ نیمگ ءَ کار ءِ منظوری پکوئیں رنگ ءَ بوتگ۔ جوڑیشتی کار آنی ھوالگ ءَ چار ءُُ تپاسی زورگ بوھگ ءَ انت ایشی ءَ چہ پد زوت کار ءِ بنگیج کنگ بیت۔ 12فروری ءَ اقتصادی رابطہ کمیٹی ءَ پٹرولیم ڈویژن ءِ سپارش ءِ سر ءَ چار ءُُ بچار کنان ءَ فرنٹیئر آئل کمپنی ءَ را اے پائپ لائن منصوبگ ءِ سر ءَ کار ءِ بنگیج ءِ منظوری داتگ بوتگ۔ اے جوڑیشتی کار 3بھر آنی تہ ءَ بنت۔ اولی بھر ءَ ماچھیکے۔ چک پیرانہ (135) کلومیٹر، دومی بھر ءَ چک پیرانہ۔ روات (117) کلومیٹر ءُُ سیمی بھر ءَ روات۔تاروجبہ (175) کلومیٹر ءِ سر ءَ پائپ لائن چیر گیجگ بیت ایشرا ہائی سپیڈ ڈیزل ءُُ پٹرول ءِ شنگ ءُُ تالانی بوت کنت۔
