کراچی۔ 17 فروری (اے پی پی) پاک بحریہ ءُُ ملائیشیاء ءِ رائل نیوی ءِ نیام ءَ کراچی ءَ وت مہ وتی ایکسرسائز ’’مال پاکII۔’’ ءِ بنگیج بوت۔ پاک بحریہ ءِ نیمگ ءَ جاڑی بوتگیں ھال آنی رد ءَ رائل ملائیشین نیوی ءِ جہاز ’’کے ڈی کستوری’’ ءُُ ’’کے ڈی مہا وانگسا’’باز ملکی زرّئی ایکسرسائز ’’ایمن 2019’’ ءَ بھر زوری ءِ واستہ 7فروری 2019 ءَ کراچی ءَ پج اتگ بوتگ۔ ایکسرسائز ءِ گڈ ءَ ملائیشیا ءِ جہاز ءَ پاک بحریہ ءِ جہاز آنی گوما دو نیمگی ایکسرسائز ’’مال پاکII۔’’ ءِ تہ ءَ بھر زوری کت۔ اے مال پاک ایکسرسائز آنی رد ءَ دومی ایکسرسائز ات، اولی ایکسرسائز باز ملکی زرّئی ایکسرسائز ’’لیما’’ ءِ گڈ ءَ ملائیشیا ءَ برجم دارگ بوتگ ات۔ پاک بحریہ ءِ جہاز پی این ایس سیف ءَ Z9ECہیلی کاپٹر ءِ ھمبراھی ءَ، پی این ایس عظمت ءُُ لانگ رینج میری ٹائم ایئر کرافٹ ءِ گوما اے ایکسرسائز ءِ تہ ءَ بھر زوری کت۔
