اسلام آباد۔ 17 فروری (اے پی پی) بنجاھی وزیر برائے نیک راھی کار نور الحق قادری ءَ گوشت کہ سعودی ولی عہد شہزادہ محمد بن سلمان ءِ تر ءُُ تاب پاکستان ءَ چہ وشھالی ءِ نوکیں در پچ بیت، سعودی عرب پاکستان ءَ راجدپتری سرمایہ کاری کنگ ءَ انت۔ یک شمبے ءَ وت گلگدارے ءِ تہ ءَ آئی ءَ گوشت کہ سعودی ولی عہد ءَ اے تر ءُُ تاب ءَ چہ ملکی معیشت ءِ سر ءَ جوانیں رند پد سہرا بیت، امیت انت کہ دوئیں ملک آنی نیام ءَ 15ءَ چہ 16 ارب ڈالر ءِ ایم او یو آنی سر ءَ دست چنگل جنگ بیت۔ آئی ءَ گوشت کہ پاکستان ءُُ سعودی عرب یکجائی نیک راھی، راجدپتر ءُُ دود ءُُ ربیدگ مھکمیں ریشگ آں گوں بندوک اَنت۔ سعودی ولی عہد ءِ ا ے تر ءُُ تاب ءَ چہ پاکستان ءَ وشھالی ءِ نوکیں کشک پچ بیت۔ آئی ءَ گیش گوشت کہ سعودی عرب ءَ مُدام مشکلیں وھد ءَ پاکستان ءِ گوما ھمگام ءَ اوشتاتگ، پاکستان ایمنی ءِ برجائی، مسلمان آنی نیام ءَ یکوئی ءُُ یکجائی ءِ واستہ وتی کرد ءَ پیلو کنت انت۔ بنجاھی وزیر ءَ گوشت کہ سعودی عرب پاکستان ءَ راجدپتری سرمایہ کاری کنگ ءَ انت، ایشی ءَ چہ سہرا بیت کہ سعودی عرب پاکستان ءِ جوانیں دوست ات۔
