اسلام آباد۔ 17 فروری (اے پی پی) بنجاھی وزیر برائے اھوالکاری ءُُ شنگ کاری فواد حسین چوہدری ءَ پنت ءُُ شون کت کہ سعودی ولی عہد شہزادہ محمد بن سلمان ءِ تر ءُُ تاب ءِ ھوالگ ءَ میڈیا ءَ را توامیں آسراتی پجاری کنگ بہ بیت۔ وزیر اھوالکاری ءِ سروکی ءَ شمبے ءِ روچ ءَ مزن تک ءِ دیوان ءِ برجم دارگ بوت ایشی ءِ تہ ءَ سعودی ولی عہد شہزادہ محمد بن سلامان بن عبدالعزیز ءِ آیگ ءِ موہ ءَ کتگیں انتظامی آنی چار ءُُ تپاسی گپت۔ اے موہ ءِ سر ءَ وزیر ءِ اھوالکاری ءَ سعودی علی عہد ءِ تر ءُُ تاب ءِ ھوالگ ءَ بریفنگ دیگ بوت۔ آئی ءَ کارندہ آناں پنت ءُُ شون دات کہ میڈیا ءَ را توامیں رنگ ءِ آسراتی پجارینگ بہ بیت۔ پاکستان ٹیلی ویژن ءِ کارندہ آں گوشت کہ تر ءُُ تاب ءِ وھد ءَ سرجمیں بست ءُُ بند جوانیں رنگ ءَ سرجم کنگ بوتگ اَنت۔ ڈی جی پی این سی اے جمال شاہ ءَ بریفنگ ءَ گوشت کہ سعودی ولی عہد ءِ آیگ ءِ موہ ءَ دود ءُُ ربیدگی سوگار ءُُ ساز ءِ انتظامی کنگ بوتگ۔ دیوان ءَ سیکرٹری اھوالکاری ءُُ شنگ کاری شفقت جلیل ھم اے موہ ءِ سر ءَ ساڑی ات۔
