اسلام آباد۔ 17 فروری (اے پی پی) سیکرٹری خارجہ تہمینہ جنجوعہ ءَ گوشت کہ بھارت ءِ بنیات بھتام ءُُ ٹیرتگ دمگی ایمنی ءِ وستہ بیم اَنت، پڑ ءِ کشاں چیل ءَ را گوات کنگ ءَ چہ سیت ءِ مٹ ءَ تاوان بیت۔ ترجمان درئی کارانی رد ءَ پلوامہ اُرش ءِ ھوار ءَ یک شمبے ءِ روچ ءَ اسلام آباد ءَ استیں افریقی ملک ءُُ شنگھائی کمکی گل ءِ باسکیں ملک آنی سفیر آناں بریفنگ دیان ءَ سیکرٹری درئی کار ءَ پلوامہ اُرش ءَ چہ پد ابید پٹ ءُُ پول ءَ بھارتی بھتام آناں رد کت۔ آئی ءَ گوشت کہ ابید پٹ ءُُ پول ءَ بھتام بندگ ءِ واکیہ پاکستان ءِ ھلاپ ءَ بھارت ءِ ھمروچگیں کار ات، پڑ ءَ کشاں چیل ءَ را گوات کنگ ءُُ دمینگ سیت ءِ مٹ ءَ تاوان سہرا بیت۔ آئی ءَ سفیر آناں سرپد کت کہ بھارت ءِ ارش ءِ پٹ ءُُ پول ھم نہ کت ءُُ بھتام پاکستان ءِ سر ءَ جت۔ آئیءَ گوشت کہ بھارتی بے سر ءُُ پادیں بھتام ءُُ ٹیرتگی بیان پڑ ءِ ایمنی ءِ واستہ ترندیں بیم اَنت۔
