اسلام آباد۔ 17 فروری (اے پی پی) بنجاھی وزیر ھزانگ اسد عمر ءَ گوشت کہ سعودی ولی عہد شہزادہ محمد سلمان ءِ تر ءُُ تاب پاکستان راجدپتری ات ایشی ءَ چہ ملک آنی نیام ءَ نوکیں اقتصادی در آنی بنگیج بیت، سعودی ھاٹیگ ءِ کمپنی ءِ پاکستان ءَ گوں واھگ دارگ وشیں گپ اِت، سعودی عرب ھاٹیگ ءِ منصوبگ آنی تہ ءَ سرمایہ کاری کنگ ءِ واھشت ایگ انت۔ یک شمبے ءَ پی ٹی وی ءَ گوں ھاسیں تران کنان ءَ بنجاھی وزیر ھزانگ ءَ گوشت کہ سعودی ولی عہد شہزادہ محمد بن سلمان ءِ راجدپتری تر ءُُ تاب انت اے تر ءُُ تاب ءِ چہ دوئیں ملک آنی یکوئی نوکیں کوھنڈگ آں سر بیت ءُُ نوکیں اقتصادی در پچ بیت۔ وزیر ءِ ھزانگ اسد عمر ءَ گوشت کہ سعودی عرب پاکستان ءَ ھاٹیگ ءِ شوبگ ءَ ھم سرمایہ کاری کنت انت، پاکستان ءَ ھاٹیگ ءِ رد ءَ درآمد بوھگ چیز دُرستاں چہ گیش انت۔ بنجاھی وزیر ءَ گوشت کہ سعودی ھاٹیگ ءِ کمپنی آنی پاکستان ءَ گوں واھگ دار وشیں گپ اِنت، سعودی عرب ھاٹیگ ءِ پڑ ءَ منصوبگ آنی تہ ءَ ھم سرمایہ کاری ءِ واھشت ایگ انت۔
