اسلام آباد ۔ 16 فروری (اے پی پی)ھالرسانی ءُُ شنگکاری ءِ بنجاہی وزیر فواد حسین چوہدری ءَ گوشت کہ مزن وزیر عمران خان ءِ وژن انت کہ پاکستان ءَ را مدینہ ءِ ریاست ءِ وڈ ءَ دیما بیار انت، پاکستان ءُُ سعودی عربءِ میان ءَ راج دپتری سیادی انت ہمہ کہ اقتصادی رھوت ءُُ اسلامی اخوت ءِ رھوت ءَ گوں بندوک انت۔پاکستان ءِ تہ ھدامرزی پرمانروا شاہ عبدالعزیزءُُ آہانی شاہی ھاندان ءَ شرپءِ چماں چارگ بوھگ انت ایشی ءِ پدرائی اسلام آباد ءِ تہ ساڑی شاہ فیصل مسیت انت ہمہ کہ دوئیں براتیں اسلامی ملکانی سوگو ءِ رشتہ ءِ پدرائی انت۔اے ھیالانی درشان آہاں سعودی ٹی وی چینل الاخباریہ ءَ را ھاسیں گلگدار ءِ ساعت ءَ کتگ انت۔ھالرسانی ءِ بنجاہی وزیر ءَ گوشت کہ دوئیں ملکانی میان ءَ مھکمیں سیادی ءَ را گیش پراھی مزن وزیر عمران خان ءِ سعودی عرب ءِ تروتاب ءَ چہ رستگ انت۔ پاکستان ءُُ سعودی عرب ءِ براتیں سیادی دھکاں محیط انت اے ھاترا استیں سعودی حکومت فرماننروا شاہ سلمان بن عبدالعزیز ءَ پاکستان ءَ گوں سیادی ءَ را گیش مھکم کتگ ءُُ ولی عہد شہزادہ محمد بن سلمان وتی ایشیاء ءِ تروتاب ءِ بنگیجی ھم پاکستان چہ کتگ ات۔ پاکستان سعودی عرب ءِ شکر گزار انت کہ ہر گرانیں وھد ءَ ھوار انت۔آہاں گوشت کہ مہ لوٹگوں کہ پاکستان ءُُ سعودی عرب ءِ سیادی ءَ را تذویراتی شراکداری ءَ بدل کنیں پرچاکہ پاکستان سعودی عرب ءِ گپے ھاسکر مشرق وسطی ،خطہ ءُُ میاں اوستمانی تبک ءِ سرا ھم ہروھد پلہ مرزی کنگ انت۔ سعودی ولی عہد ءِ تروتاب ءِ پاک سعودی میڈیا سیادی ءِ سرا اثر ءِ ھوالہ ءَ یک جستے پسو ءَ ھالرسانی ءُُ شنگکاری وزیر ءَ گوشت کہ میڈیا راستیں حال ءِ عکاسی کنگ انت اگہ جاورھال شر انت تو میڈیا مثبت تاثر دات اگہ منفی بیت تو منفی تاثر دات۔اے وھد ءَ چارگ بوھگ انت کہ پاکستان ءُُ سعودی عرب ءِ تہ مثبت جاورھال انت تو دوئیں ملکانی تہ مثبت عکاسی بوھگ انت۔آہاں گوشت کہ پاکستان ءِ تہ ناشرکاری ءُُ تراکاں چہ مرعوب مہ بیت بلکہ دلیری ءَ گوں مقابلہ کنوکیں راج انت۔آہاں گوشت کہ ات گپے ارزشت انت کہ دوئیں ملکانی میان ءَ میڈیا کمک ءَ را سوگو کنگ بیت ءُُ اے جاورھال سعودی عرب ءُُ پاکستان ءِ تہ انت۔ فواد چوہدریءَ گوشت کہ مہ پاکستان ءِ تہ سعودی ھالرسانی ءِ کارگِس ءَ گوں سرجم کمک کنگ اوں ءُُ سعودی شہریانی ھاترا مہ ویزہ ءِ ھاسیں آسراتی پھجاراتگ انت تنکہ سعودی شہریاں را جیڈھ مہ بیت۔آہاں گوشت کہ سیاحت ءِ پراھی چہ مئے سیادیانی تہ گیش گہبودی کاایت۔آہاں گوشت کہ سعودی ولی عہدءِ انوگیں تروتاب ءِ موہ ءِ سرا اے درگت ءَ یک مچ ءِ مفاہمت ءِ یاداشت ءِ سرا دستخط کنگ بنت ءُُ اے ھوالہ چہ مہ یک یکجاھیں کمیٹی ءِ جوڈ کتگ انت۔پاکستانی ءُُ سعودی وزارت اطلاعات ءِ میان ءَ کمک ءُُ رھوتءِ باروا وزیر ءَ گوشت کہ دوئیں ملکاں را یک وڈیں چیلنجانی دیمپانی انت۔گوست ءَ سلاھانی چیلنج ات نوں ویژن ءِ چیلنج درپیش انت۔
