اسلام آباد ۔16فروری(اے پی پی) دری کارانی بنجاہی وزیر شاہ محمود قریشی ءَ ھواریں مکسدانی زورگ ءِ ھاترا پاکستانی ءُُ امریکا ءِ وت مہ وتی رھوت ءِ پراھی ءُُ گہبودی ءِ سرا زور دیان ءَ گوشت کہ پاکستان گوں امریکاءِ بیئپار،ھاٹیگ ءِ تک ءَ کمک ءِ ودکی ءِ واھگدار انت۔دری کارانی کارگس ءِ نیمگا چہ جاڑی بیان ءِ ردا میونخ ءِ تہ گلوبل سیکیورٹی کانفرنس ءِ موہ ءِ سرا امریکی کانود ساچانی یک ڈلءَ دری کارانی وزیر ءَ گوں گند ءُُ نند کتگ،ڈلے تہ 8 سینیٹرز ءُُ 10 کانگریسءِ باسک ھوار اتنت۔ امریکی ڈل ءِ سروکی ریپبلکن سینیٹر لنڈ سے گراہم کنگ ات۔ شاہ محمود قریشی ءَ گوشت کہ جنوبی ایشیا ءِ تہ پاکستان ءُُ امریکا ءَ ہر وھد ھوار بوت امن ءُُ گہبودی ءِ ھاترا جہد کتگ ات،دوئیں ملکانی یکجاھیں مفادانی زورگ ءِ ھاترا کثیرالجہتی پاک امریکا سیادی الم انت،آہاں گوشت کہ پاکستان ،امریکا ءِ اوگانستان ءِ تہ ایمنی ءِ برجاہی ءِ کوشست برجاہ دارایت ءُُ اوگان جیڈھ ءِ پُر امنیں حل ءِ ھاترا آسراتی پھجارگ ءِ کرد برجاہ داریت۔ مخدوم شاہ محمود قریشی ءَ گوشت کہ پاکستان ءِ تہ امن اوگانستان ءِ تہ ایمنی ءَ گون ہمگرنچ انت۔ پاکستان ءُُ امریکا ءِ میان ءَ دیرگیں،سٹریٹجک شراکت داری ،دوئیں ملکانی مفاد ءَ انت۔ سینیٹر لنڈ سے گراہم ءَ پاکستان ءُُ امریکا ءِ میان ءَ آزاتیں بیئپاری معاہدہ (ایف ٹی اے) ءِ ہڈ دیگ ءِ سرا زور داتگ۔
