اسلام آباد ۔ 16 فروری (اے پی پی) پاکستان ءُُ یورپین یونین ءَ بیئپاری ءِ ھوار لہتیں تک ءَ کمک گیش کنگ ءِ سراتپاک کتگ،اے تپاکی گوستگیں روچ ءَ میونخ ءِ تہ سیکورٹی کانفرنس ءِ موہ ءِ سرا دری کارانی وزیر شاہ محمود قریشی ءُُ یورپی یونین ءِ دری کارانی ءُُ سیکورٹی پالیسی ءِ سروک فیڈریکا مورگنی ءِ میان ءَ گند ءُُ نند ءِ تہساعت ءَ بوتگ ات۔دری کارانی وزیر ءِ گوشگ ءِ ردا دوئیں راھشوناں پاکستان ءُُ یورپی یونین ءِ میان ءَ دودیمی سیادی ءِ استیں جاورھال ءِ سرا تسلہ ءِ درشان کتگ۔دری کارانی وزیر ءَ پاکستان ءُُ یورپی یونین ءِ میان ءَ سٹریٹجک شراکت داری ءِ پراھی ءِ ھاترا ادارہ جاتی میکنزم ءَ را مھکم کنگ ءِ سرا زور داتگ۔دوئیں راھشوناں اے ساعت ءَ پاکستان ءُُ یورپی یونین ءِ میان ءَ بیئپاری ءِ ھوار لہتیں پِڑ ءَ کمک گیش کنگ ءِ سرا تپاکی کتگ۔ یورپین یونین ءِ دری ءُُ سیکورٹی پالیسی ءِ سروک فیڈریکا موگرینی مارچ ءِ تہ پاکستان ءِ تروتاب کن انت
