اسلام آباد ۔ 16 فروری (اے پی پی) ناروے ءِ پیسریگیں مزن وزیر جیل میگنے بونڈوک دو روچیں تروتاب ءِ سرا مروچی (یک شمبے) 17فروری ءَ اسلام آباد ءَ سر بنت۔وتی تروتاب ءِ ساعت ءَ آں راجی ءُُ عسکری مردمان گوں گند ءُُ نند ءِ ھوار تھنک ٹینک ادارے ’’پاکستان ہاوس‘‘ءِ چیردستی برجمیں میاں اوستمانی سیمینار ءَ گوں ھاسیں مہمان ءِ تران کن انت۔زانتکار ءَ پیسریگیں نارویجن مزن وزیر ءِ پاکستان ءِ تروتاب ءَ را پاک ناروے سیادی ءِ نیمگا ھاسں دیمروئی گوشتگ۔18فروری ءَ بیگاھ پنچ بج ءَ ادا ھوٹل ءِ تہ برجمیں میاں اوستمانی سیمینار ءَ گوں دری کارانی وزیر شاہ محمود قریشی،ڈی جی پاکستان ہاوس رانا اطہر جاوید ،مشعال ملک،پیسریگیں چیئر مین جوائنٹ چیفس آف سٹاف کمیٹی جنرل (ر) احسان الحق،شیڈو منسٹر یو کے افضل خان ،پیسریگیں سفیر عبدالباسط ءُُ دگہ تران کن انت۔
