اسلام آباد۔15فروری (اے پی پی ) آمید گسءَ چہ شہباز شریف ءَ را ضمانت رسگ آئیءِ کانودی حق اِنت،احتسابءِ ہاسیں کمک کار بیرسٹر شہزاد اکبرءِ نجی ٹی وی ءَ گوں گپ ءُ تران کتگءُ گشتگ کہ اے پہ آئیءَ ادارکی ارزانی اِت ، شہباز شریف ءِ ضمانت ءِ بزانت ایش نہ اِنت کہ آ بدعنوانی ءِ کیساں چہ بری بوتگ۔ آئیءَ را قومی احتساب بیورو(نیب) ءِ نیمگءَ چہ بندات کتگیں جستءُ پُرس ءِ پسو دیئگ لوٹ ایت۔ بیرسٹر شہزاد اکبرءَ گشتگ کہ شہباز شریف ءِ ضمانت ءَ چہ ملک ءَ جاڑی احتساب ءِ عمل ءَ را نقصان نہ بیت۔ آئیءَ گشتگ کہ حکومتءِ گورءَ بازیں ملکاں چیر داتگیں زرّانی معلوم داری اَست اے زرّ زوت ملک ءَ آرگ بنت۔
