اسلام آباد۔15فروری (اے پی پی) پاکستانءَ نندوکیں رجسٹرڈ اوگان لڑءُ باریانی ملک واتری یکم مارچءَ چہ یک رندے پدا بندات بیت۔ گوستگیں وہداں ملک ءَ 43لکھ 75ہزار اوگان لڑءُ باری رجسٹرڈ کنگ بوتگ اَنت۔ زمستا ن بوہگءِ سوبءَ رجسٹرڈ اوگان لڑءُ باریانی ملک واتری ءِ عمل تاں 28فروری ءَ مھتل کنگ بوتگ ۔ رجسٹرڈ او گان لڑ ءُ باریانی ملک واتری ءِ عمل یکم مارچ2019ءَ یک رندے پدا بندات کنگ بوہگءَ اِنت۔ رجسٹرڈ اوگان لڑءُ باری پشاور ءُ کوئٹہ ءَ یو این ایچ سی آر ءِ بنجاہ اے ہوالگءَ وتی کارءَ بندات کن اَنت۔ سیفرانءِ وزارت ءِ حکام ءِ گشگءِ ردءَ پاکستان ءَ گوستگیں وہداں 43لکھ 75ہزار اوگان لڑءُ باری رجسٹرڈ کنگ بوتگ اَنت کہ آہاں چہ گیشتر اوگان وتی ملکءَ واتر شتگ اَنت۔
