اسلام آباد۔ 15 فروری (اے پی پی) خیبر پختونخوا و پنجاب نا چندی شار تیٹی پولیو وائرس نا ساڑی مننگ گڑتی نا سوب ءِ، فوکل پرسن انسداد پولیو پروگرام بابر عطاء پارینے کہ لاہور نا شالیمار ٹاؤن اٹی 8 سال آن پد پولیو وائرس پک مسنے۔ دا بابت صوبائی وزیر جان جوڑی ڈاکٹر یاسمین راشد ءِ معلومدار کننگانے۔ اوپارے کہ فیصل آباد نا سیوریج اٹی ہم پولیو وائرس نا ساڑی مننگ گڑتی نا سوب ءِ۔ دا بابت بروک آ منہ دے اٹی صوبہ نا انتظامیہ غان لاہور، فیصل آباد و راولپنڈی ءِ پولیو آن رکھ کننگ کن جامع حکمت عملی اس جوڑ کننگک۔ اومستی پارے کہ پولیو وائرس نا کیس آتا بابت ڈیوالائی کروک آتا برخلاف سخت کارروائی کننگک۔ اوپارے کہ داوڑ نا اسہ کیس اس باجوڑ اٹی ہم رپورٹ مسوسس ہراڑا انکوائری آن پد زموار آفیسر آتے عہدہ غاتیان اینک کننگاسس۔ بابر عطاء پارے کہ کے پی کے نا ضلع ہنگو ٹی ہم پولیو وائرس پک مسنے۔
